Mii fállat saji olles jahkái, jahkebeallái dahje sierra 6-vahkosaš kurssaide. Jus ohcá áigemeari siste, de lea buoret vejolašvuohta oažžut saji kulturskuvlii.
Loga min fáládagaid birra. Min fáláldagaid gávnnat dás.

Sisaváldin

Min váldosisaváldin ohppiin lea borgemánus ja ođđajagimánus, muhto mii váldit ohppiid sisa birra jagi. Jus ohcá áigemeari siste, de lea buoret vejolašvuohta oažžut saji kulturskuvlii.  Go dieđiha iežas mielde, de gánniha russet máŋga doaimma, go de lea buoret vejolašvuohta beassat mielde juoga masa. Sáhttá maid gánnihit merket movt áigu vuoruhit.  Oahppit geat leat ožžon fásta saji, dollet saji dassážii go ieža celket eret dahje go skuvlajahki nohká.

Ohcanáigemearri 

• Juohke jagi borgemánu 1. beaivve čakčajahkebeallái dahje olles jahkái
• Juohke jagi juovlamánu 1.beaivve giđđajahkebeallái 
• 6-vahkkosaš kurssaide addojit sajit juohke kursaálgima oktavuođas

Áigemearri cealkit eret

•  Guovvamánu 1. b. giđđajahkebeali
• Čakčamánu 1. b. čakčajahkebeali

Ahkemeari birra

Lea dat jahkelohku go oahppi deavdá x jagi mii gusto dalle go badji/kursa álgá.

Oahppit geat leat ožžon fásta saji sáhttet oassálastit buot kulturskuvladoaimmaide maidda leat ohcan ja beassan, dasa gullet maid 6-vahkkosaš kurssat.

Vuoruheapmi

Jus leat beare unnán sajit ohcamiid ektui, de vuoruhuvvojit boarráset mánát nuorabuid ovddabeallai. Mánát geain leat erenoamáš dárbbut, vuoruhuvvojit go áššedovdi instánsa čujuhus lea gávdnamis

Movt dieđihit iežas mielde?

• Viečča skovi ja deavdde dan. Dieđihanskovvi čakčat 2023 (PDF, 101 kB)
• Skovit báberhámis gávdnojit kulturskuvllas, álbmotgirjerádjosis ja bálvalusguovddážis.
• Skánne devdojuvvon skovi, dahje govve dan, ja sádde suohkanii e-boastta bokte. Dan sáhttá maid buktit kulturskuvlii, álbmotgirjerádjosii dahje bálvalusguovddážii.
• Sáhtát maid váldit oktavuođa kulturskuvllain njuolga, ja mii de veahkehit du dieđihanskoviin. 

Dieđiheapmi geatnegahttá ekonomalaččat ja dan sáhttá dušše mearriduvvon áigemeriid ovdal cealkit eret. Jus oahppi heaitá gasku baji, de ferte goitge máksit olles mávssu dan jahkebeali ovddas.

Buot kurssain/fálaldagain sáhttet oahppit oažžut ovtta geahččalandiimmu kursaálggus, muhto das duohko lea geatnegahtti dieđiheapmi ja ollislaš kursadivat.

Go eret áigu dieđihit, de galgá váldit čálalaš oktavuođa kulturskuvllain áigemeari siste.

Máksin

Kulturskuvlla divatmáksu juhkojuvvo guovtti oassemáksui, okta čakčat ja okta giđđa, ja suohkan dat sádde rehkega. Oahppit geat ožžot saji gasku jahkebealis, mákset unnit.
6-vahkkosaš kurssaid ovddas sáhttá máksit ovtta ain hávális dahje buot ovddas oktanis.

Hattit