Kulturskuvla

Kulturskuvlla fálaldat sáhttá rievddadit jagis jahkái, muhto dábálaččat dollojuvvojit musihkkakurssat, muhto maiddái kurssat main lea teáhter ja eará kultur- ja dáiddasisdoallu. Lea kulturskuvlii lunddolaš ovttasbargat suohkana giellaguovddážin, Giellagiissáin, ja nuoraidkoordináhtoriin, fállát doaimmaid mánáide ja nuoraide. 

Doalla viesu kulturviesus

Kulturskuvla lea kulturviesus ja das lea  kulturskuvllajođiheaddji beallevirggis. Kurssaide láigohit sierra bargiid. Jus háliidat searvat, de fertet ohcat saji. De geavahat dán skovi ohcat searvat. Fuomáš fal ahte juohke kurssas sáhttá leat sierra dieđihanáigemearri. Hattit lea iešguđet dásis, kurssas kursii. Jus ohccojuvvo ovttas oappáiguin/vieljaiguin, de sáhttit addit vuoliduvvon hatti.

Buot mánáide

Kulturskuvla lea buot suohkana mánáide ja nuoraide, vuosttas luohká rájes gitta joatkkaskuvlii.  Kulturskuvla lea oahpahusarena mii galgá fállat alla dási kultuvrralaš oahpahusa- ja doaibmafálaldagaid buot suohkana mánáide ja nuoraide, vai sii beasaše  ovdánahttit ja geavahit iežaset hutkáivuođa ja dáiddalaš máhtu. Fálaldagain galgá leat pedagogalaččat ja fágalaččat buorre ja alla dássi. Kulturskuvla doaibma ovttas vuođđoskuvllain ja eará kultuvrralaš arenain. Kulturskuvla láhčá diliid nu ahte mánát ja nuorat besset ovddidit iežaset máhtu, ja nannet iežaset identitehta. Kulturskuvllas lea guovddáš oassin ohppiid geain lea beroštupmi ráhkkanahttit ja movttiidahttit alla dássásaš kultuvra- ja dáiddaohppui.

Kulturskuvlla rámmaplána ja láhka:

1997 rájes leat kulturskuvllat leamaš oassin Oahpahuslágas Musihkka- ja kulturskuvlafálaldat: «Buot suohkaniin galgá juogo alddis dahje ovttas eará suohkaniiguin leat musihkka- ja kulturskuvlafálaldat mánáide ja nuoraide, organiserejuvvon lahkalaga skuvllain ja kultureallimin muđui.» (Oahpahusláhka § 13-6)

Gávdnet go dan maid ozat?
Karen Proksi
Ossodatjođiheaddji/avdelingsleder, giella ja kultuvra/språk og kultur
E-poasta
Telefovdna 922 30 895