Unnit doaibmabijut viesus

Dán it dárbbat ohcat

• Eai-guoddi seainnit ovtta buollinseallas dahje jietnaguovllus.
• Njuoskalanja installeren, rievdadeapmi dahje divodeapmi dálá huksehusas mii gullá ovtta geavahanovttadahkii dahje buollinsellii.
• Álkis installašuvnnaid installeren ja rievdadeapmi dálá huksehusas mii gullá ovtta geavahanovttadahkii dahje buollinsellii. Ovdamearkka dihte loktenstealli orrunovttadahkii ii leat ohcangeatnegas.
• Dolastansaji installeren, rievdadeapmi ja divodeapmi dálá huksehusas mii gullá ovtta geavahanovttadahkii dahje buollinsellii.
• Huksenteknihkalaš installašuvnnaid divodeapmi nugo ovdamearkka dihte áibmomolsunrusttega, buhtisvuođarusttega ja heaissa ja liggen- ja galmmihanrusttega. Divodeapmi ii leat šat ráddjejuvvon dušše ovtta geavahanovttadaga dahje buollinsealla installašuvnnaide.

Dán sáhtát ieš ohcat

• Geavahanrievdadusa lassioasis váldooassái, geahča badjelis.

Daid šattat ohcat fágaolbmuid vehkiin

• Buollinearu botkejuvvo.
• Guoddi seinniid dahje konstrukšuvnnaid rievdadusat.
• Huksehusa rievdaduvvon geavaheapmi.

Unnit doaibmabijut olggobeale

Dán it dárbbat ohcat

• Suodjeseaidni mii lea gitta 1,8 m alu ja guhkkodat mii lea eanemusat 10,0 m. Suodjeseaidni sáhttá leat sierra dahje čadnon vissui, ja gaska ránnjárádjái ii galgga leat unnit go 1,0 mehtera.
• Suodjeseaidni mii lea gitta 1,8 m alu ja guhkkodat mii lea eanemusat 5,0 m. Suodjeseaidni sáhttá leat sierra dahje čadnon vissui ja sáhttá biddjot ránnjáráji rádjái.
• Gárdi (áidi) geainnu guvlui mii lea gitta 1,5 m alu. Gárdi (áidi) ii galgga hehttet oainnádaga friddjaoainnádatguovlluin geainnu guvlui.
• Siskkáldas geaidnu huksensajis ja biilabisánansajit huksensaji geavaheapmái mat eai gáibit stuorát eanadatduohtademiid. Spiehkasteapmái gullá maiddái eanandoallomašiinnaide bisánansajit mat adnojit eanandoalloopmodagain. Gaska ránnjárádjái galgá leat unnimus 1,0 m.
• Šilta- ja reklámaráhkkanus, mii lea gitta 3,0 m² stuora mii biddjo duolbut seaidnái. Spiehkasteapmái eai gula monteret eanet šilta- ja reklámaráhkkanusaid seamma julggabeallái.
• Anteannavuogádat mii lea gitta 5,0 m alu. Parabolaanteanna diamehter sáhttá leat gitta 1,2 m. Parabolaanteanna biddjon seaidnái sáhttá leat gitta 2,0 m alu. Eanemusat lea lohpi bidjat 2 parabolaanteanna juohke huksehussii, ja anteanna galgá dušše deavdit huksehusa dárbbuid.
• Unnit duvddamuvra mii lea gitta 1,0 m alu ja dat galgá unnimusat 1,0 m eret ránnjárájis dahje duvddamuvra mii lea gitta 1,5 m alu ja dat galgá unnimusat 4,0 m eret ránnjárájis. Muvra ii ábut hehttet oainnádaga friddjaoainnádatguovllus geainnu guvlui.
• Unnit deavdin dahje jalgen eanadagas. Doaibma ii ihkinassii ábut mielddisbuktit bieđgguid huksejuvvon guovlluin eanet go 3,0 m spiehkasteami álgoálgosaš eanadatdásis. Čoahkkebáikkiin ráido- ja goallosviesuid j.s. opmodagain ii ábut spiehkasteapmi leat stuorát go 0,5 m álgoálgosaš eanandatdásis. Gaskka deavddageažis ránnjárádjái galgá leat unnimus 1,0 m. Eanadaga rievdadeamit eai ábut hehttet oainnádaga friddjaoainnádatguovlluin geainnu guvlui.
• Roggan kábeliidda.
• Báikkálaš čázehuhttin, ja revre- ja jođasbillahuvvamiid divodeamit.

Unnit julggabealrievdadus

Dása it dárbbat ohcat

• Julggabealrievdadusat mat eai mielddisbuvtte rievdadeami huksehusa hámis, ja ruovttoluotta fievrredit julggabeali ovddeš duođaštuvvon ráhkaduvvon hápmái.
• Molsut dálá lásiid ja uvssaid seamma mállii ja sturrodahkii ii leat ohcangeatnegas. Molsun eará sturrodahkii dahje eará sadjái bidjat daid, dahje bidjat ođđa lásiid/geallerlásiid/dáhkkelásiid/uvssaid sáhttá ohcangeatnegas. Sádde e-poastta suohkanii govain/tevnnegiin mii čájeha maid don háliidat bargat, de beassat diehtit leago dat ohcangeatnegas vai ii. 
• Molsut dáhki. Ii ábut earáhuhttit huksehusa hámi ja mihtilmasvuođa.
• Ruovttoluotta fievrredit julggabeali ovddeš duođaštuvvon hápmái. Ovddeš hámi maid vállje galgá bargu galgá vuhtiiváldit huksehusa álgoálgosaš mihtilmasvuođa dahje váldoođastanmuttu.
• Maŋŋel isoleren olgoseinniin eanemusat 20 cm seaidneassodagain. Julggabeali láset jnv. sirdojuvvojit olggos seamma ollu go viiddideapmi.
• Maŋŋel isoleren dáhkis, mas dáhkkebajildus loktejuvvo eanemusat 20 cm. Rasttildat gaskal gesimsa ja dáhki ferte čuovvut huksehusa dálá/álgoálgosaš hámi. 

Dehálaš eavttut

Jus doaibma mielddisbuktá ahte SEFRIK-registrerejuvvon huksehusas rievdá hápmi dahje huksehus lea muddejuvvon spesiálaguovllu seailluheapmái, de lea doaibma ohcangeatnegas.
Lanjaid geavahanrievdadeapmi lea álohii ohcangeatnegas.