Oahpahusa jahkediimmut, čađaheapmi ja praktihkalaš dieđut
Ohppiid jahkediimmut juogaduvvot gaskal neahttavuođđuduvvon oahpahusa ja hospiterema.
Almmuhuvvon 16.07.2018 17.58
Maŋemusat rievdaduvvon 20.03.2024 09.32
Dieđut mat juhkkojuvvojit skuvlajagi álggus:
- Skuvlaruktu
- Oahpahusa diibmoplána
- Oahpahusa jahkeplána
- Dieđut stuorát prošeavttaid birra ja daid áigerámmat
- Dieđut vejolaš plánejuvvon jávkama birra
- Dieđut oahpponeavvuid vai ruovttusuohkan farggamusat sáhttá daid oastit skuvlii
- Juogadit gulahallandieđuid gaskal oahppi, vánhemiid, skuvlla, gulahallanoahpaheaddji ja gáiddusoahpahusoahpaheaddji
- Dárbbu mielde sáhttet váhnemat váldit oktavuođa gáiddusoahpahusoahpaheddjiin ságastallat oahpahusa birra.
Buozanvuohta, jávkan ja ruovttubarggut
Jus oahppi ii sáhte boahtit oahpahussii buozanvuođa dahje eará dihte, de galgá gáiddusoahpahusoahpaheaddji oažžut dieđut dan birra. Jávkan merkejuvvu. Gáiddusoahpahusoahpaheaddjis galgá leat gulahallanolmmoš ohppiid skuvllas. Vahkkoplána sáddejuvvo skuvlii ja ruktui. Gáiddusoahpahusoahpaheaddji vuordá ahte váhnemat čuovvulit ruovttubargguid.
Neahttavuođđuduvvon oahpahusa
Diibmoplána
Oahpahus lea mearriduvvon diibmoplánii, ja lea gaskal diibmu 08.20 – 14.40 mánnodagas bearjadahkii. Oahpaheaddjit gáiddusoahpahusas čuvvot Guovdageainnu suohkana mearriduvvon skuvlaruvttu. Jahkediimmut juhkkojuvvojit 45 minuhtta dahje 60 minuhtta vuorrun.
Skuvllat váldet oktavuođa gáiddusoahpahusoahpaheddjiin bidjat davvisámegieldiimmuid diibmoplánii.
Skype
Neahttavuođđuduvvon oahpahusas atnet oahpaheaddjit prográmma Skype.
- Buot oahppit/skuvllat fertejit ráhkadit geavaheaddji prográmmas
- Skuvla ferte ohcat sámegieloahpaheaddji nama mielde ja bidjat su oktavuođalistui
Oasit oahpahusas
- Njálmmálaš
- Čálalaš
- Lohkat
- Neahttasiiddut
- Dihtorspealut
- Sámi filmmat
Gáiddusoahpahusoahpaheaddji háliidat ahte oahppis lea rávisolmmoš fárus go skuvlajahki álgá.
Mii ferte oahppin leahkit go lea oahpahus?
Go ohppiin lea neahttaoahpahus, de sis ferte leat:
- Čállingirji
- Bargogirji
- Lohkangirji
- Liántta ja ivnnit
- Sihkkungumme
- Girjjáš masa čállá sániid
Reaiddut oahpahussii:
- Dihtor, ii fal neahttabreahtta
- Buorit bealljebilttut
- Sáhpán. Mátkedihtorii galgá maiddai bidjat sáhpána.
- Sámi bustávaid galgá bidjat doaibmat dihtoriidda (skuvllat sáhttet váldit oktavuođa gáiddusoahpahusoahpaheddjiin)
- Sámegiella boallobeavddis á-q, č-x, đ-‘, ŋ-¨, ŧ-y, š-w, ž-<
Hospiteren
Guokte vahku juohke skuvlajagi, ovtta vahku čakčajahkebeali ja ovtta vahku giđđajahkebeali. Hospiteren lea oktiibuot 47 jahkediimmu.
Hospiterema organiseren
- Bargu man gáiddusoahpahus lea organiseren. Meahcceskuvla
- Sierra klássa gáiddusoahpahusohppiide
- Hospiterema diibmoplána sáddejuvvo gulahallanoahpaheaddjái ja oahppi váhnemiidda/ovddasteddjiide
- Gáiddusoahpahusoahpaheaddjit deaivvadit ohppiiguin Márkan nuoraidviesu luhtte, juste Guovdageainnu vuođđoskuvlla guoras
- Gulahala suohkanin makkár áigodagas/vahkkuid hospiteren vahkuid čađahuvvo.
- Skuvllat ja váhnemat gávdnet Guovdageainnu vuođđoskuvlla skuvlaruvttu dás
Ohppiide geain lea gullevašvuohta suohkanii
- Oahppit bohtet Márkan nuoraidvissui ja deaivvadit iežaset gáiddusoahpahusoahpaheddjiiguin.
- Orrot oahppásiid/bearraša luhtte.
Ohppiide geain ii leat gullevašvuohta suohkanii muhto bohtet hospiteremii
Oahppit ja váhnemat/ovddasteaddjit bohtet Márkan nuoraidvissui Guovdageainnu vuođđoskuvlla lahka ja deaivvadit iežaset gáiddusoahpahusoahpaheddjiiguin.
Gáiddusoahpahusa skuvlaruktu