Dieđut gáiddusoahpahusa birra ja mot ohcatLytt til tekstenStopp avspillingGáiddusoahpahus fállá davvisámegiel gáiddusoahpahusa vuođđoskuvlaohppiide miehtá Norgga. Almmuhuvvon 16.07.2018 15.32 Maŋemusat rievdaduvvon 20.03.2024 08.52 Gáiddusoahpahus lea MázesGáiddusoahpahus lea Máze skuvllas 2023 rájes. Doppe leat 6 oahpaheaddji kombineren virggiin ja fállojuvvo joavkooahpahus. Fágalaš ovddasvástideaddji gáiddusoahpahusas lea Máze skuvlla rektor. OvddasvástádusMáze skuvlla rektor: Ella EiraE-boasta čujuhus: ella.eira@kautokeino.kommune.noTelefovdna: 41367965 Čuovvu suohkana skuvlaruvttoGáiddusoahpahus čuvvot Guovdageainnu vuođđoskuvlla skuvlaruvtto.Gáiddusoahpahusa skuvlaruktu: skuvlaruktu 2022-2023 (PDF, 198 kB)Hospiteren lea 4 beaivviKontrákta:Skuvlajahki 2023-2024 (PDF, 116 kB) Oahpahus lea guovtti oasisGáiddusoahpahus davvisámegielas lea guovtti oasis, neahttaoahpahus ja hospiteren. Hospiteren lea guovtte geardde skuvlajagis, vahku čakčat ja vahku giđđat. Hospiteremis deattuhuvvo sámi kultuvra ja eallin. Oahppit besset oahppat sániid ja doahpagiid árbevirolaš bargguid ja duoji bokte. Movt boahtit johtui ja ohcat oažžut oahpahusa? Buot sámi ohppiin vuođđo- ja joatkkaskuvllain lea vuoigatvuohta oažžut oahpahusa sámegielas beroškeahttá gos riikkas sii orrot (geahča oahpahuslága, kap 6). Buot oahpahus čađahuvvo gustojeaddji oahppoplánaid mielde sámegiela váste. Skuvla/suohkan váldá oktavuođa Romssa ja Finnmárkku stáhtahálddašeddjiin davvisámegiela neahttavuođđuduvvon oahpahusa váste ja ohcá ovttaskas oahppái diimmuid. Finnmárkku fylkkamánni galgá bearráigeahččat ahte oahppit ožžot davvisámegiela gáiddusoahpahusa vuoigatvuođaid ja dárbbuid mielde ja geahččat bearrái koordineret ja ovdánahttit fálaldaga vástideaddji daid vuoigatvuođaid. Fylkkamánni juolluda diimmuid ja refušuvnna sámi oahpahusa goluin suohkaniidda/priváhtta skuvllaide vuođđoskuvlasuorggis. Joatkkaskuvllat ožžot refušuvnna sámegieldiimmuid ovddas Oahpahusdirektoráhtas. Movt ruhtadit olggobealoahpahusa? Skuvllat maid leat sámi oahppit sáhttet ohcat Finnmárkku fylkamánnis doarjaga individuála oahpahussii diibmologu mielde. Stáhta oahpahuskantuvra addá doarjaga dáidda: Sámegiella 1 (eatnigiella) Sámegiella 2 (oahppit geat máhttet veahá sámegiela muhto eai hálddaš giela ollásit) Sámegiella 3 (oahppit geat eai máhte sámegiela) Sámegiella amasgiellan (oahppit geat eai máhte sámegiela) Maiddai friddjaskuvllat sáhttet ohcat doarjaga, vaikko sii eai leat geatnegahtton addit sámegieloahpahusa. Nordlándda fylkkamánnis lea ovddasvástádus julevsámegiela ja lullisámegiela gáiddusoahpahusas. Mii lea Guovdageainnu suohkana ovddasvástádus? Suohkanis lea bargoaddiovddasvástádus oahpaheaddji ovddas, ja gokčá goluid nu movt bálká, dihtor, telefovdna, interneahtta, bargoreaiddut ja bargolanjat. Guovdageainnus suohkanis lea ovddasvástádus ohppiid sámegieloahpahusa ovddas. Oahppi/ váhnen oažžu fágaplánaid go skuvlajahki álgá, ja jahkebealárvvoštallamiid juovlamánu ja geassemánu. Guovdageainnu suohkana ovddasvástádus lea gávdnat sadjásašoahpaheaddji go neahttaoahpaheaddji lea eret, ja guoddá maiddai sadjásašbargi goluid. Mii lea ruovttusuohkana ovddasvástádus? Oahppi ruovttusuohkana/skuvlla ovddasvástádus lea láhčit oahpahuslanjaid, ja rábidit oahpponeavvuid oahppái. Ruovttusuohkan/skuvla oažžu dieđu goas oahpahus sáhttá addot, ja skuvla dáhttojuvvo duođaštit oahpahusáiggi. Ruovttusuohkanis/skuvllas lea ovddasvástádus gokčat mátkegoluid ja orruma hospiterema oktavuođas. Mot šiehttat gáiddusoahpahusa? Guovdageainnu gáiddusoahpahus ja ruovttusuohkana skuvla/suohkan vuolláičállá čadni kontrávtta dan skuvlajagi ovddas go fállojuvvo davvisámegiela gáiddusoahpahus ovttaskas oahppái dahje jovkui. Refušuvdnagáibádus Refušuvdnagáibádus kr 990 diimmus sáddejuvvo guovtte geardde juohke skuvlajagi oahppi ruovttusuohkanii, juovlamánu ja geassemánu. Oahppu ruovttusuohkan sáhttá ohcat refušuvnna Finnmárkku fylkamánnis sámegiela oahpahusa ovddas. Čujuhusat Sámegiel oahpahusa birra, Romssa ja Finnmárkku stáhtahálddašeaddji Gáiddusoahpahusa rámmavuogádat, Oahppodirektoráhta Oahpuhusláhka, sámegiel oahpahus. Finnmárkku fylkkamánni