Guovdageainnu suohkan oasálastá Bearralmátkkis. Suohkanis leat 22 mátki máŋggalágan eanandagas ja rievddadan váttisvuođagrádas. Dieđut mátkkiin gávnnat perletur.no ja ođđasiid, ođasmahttimiid ja ruovttoluottadieđuid gávnnat báikkálaš facebookgruppen Guovdageainnu Bearralmátkiid birra.
Almmuhuvvon 04.05.2023 15.10
Maŋemusat rievdaduvvon 10.04.2024 11.59
Guovdageainnu suohkan lea miellahttu Finnmárkku Olggostallanráđis, ja lea okta dain máŋgga suohkaniin mat oasálastet Bearralmátkkis. Bearralmátki lea olggostallanfálaldat man Finnmárkku Olggostallanráđđi fállá ovttas máŋgga Finnmárkku suohkaniin. Bearralmátki fállá válljenmuni merkejuvvon mátkkiid iešguđelágan eanandagas ja váttisvuođagrádas. Juohke mátki lea merkejuvvon vuolggabáikkis, ja go mátki nohká.
Mátki loahpas lea sierra mátkekoda mainna registreret ruovttusiidui, Bearralmátki ruovttusiidu.
Galle bearralmátkki leat?
Suohkanis lea justa dál 22 iešguđetlágan mátkki, 16 ruoná (geahppa) mátkki ja 6 alit (gaskamearálaš) mátkki. Mátkkit leat merkejuvvon oktihevehuvvon nášunála njuolggádusaiguin, bagadallan lea Merkehåndboka- Friluftsrådenes Landsforbund (friluftsrad.no)
Bearralmátki álggahuvvo miessemánu 13.beaivvi 2023. Bearralmátkkit ráhppojit dađistaga, rahpan dáhtonat geassemánu 1.beaivvi, geassemánu 15.beaivvi ja suoidnemánu 1.beaivvi. Muhtun mátkkiin sáhttá ráhpandáhton rievdat dilálašvuođaid geažil.
Čuovo mielde neahttasiiddus.
Bearralmátkekodaid sáhtat registreret golggotmánu 31.beaivvi rádjái.