Gaskaboddosaš virggit

Kultuvrra ja bajásšaddanovttadagas lea rabas okta 100 % ja okta 50 % gaskaboddosaš virgi mánáidsuodjaluskonsuleantan. Álgin farggamusat, ja bistá 31.12.2018 rádjái, vejolašvuohta ahte guhkiduvvo olggos jagi 2019.

Kultuvrra ja bajásšaddanovttadahkii leat čohkkejuvvon suohkana bálvalusat mánáide ja bearrašiidda. Ovttadagas gávdnat skuvllaid, mánáidgárddiid, giella- ja kulturossodaga, mánáidsuodjalusa ja PPB.

Barggut:

Áššemeannudeapmi mánáidsuodjaluslága mielde mii earret eará mearkkaša: 

• Ovttasbargu mánáiguin ja váhnemiiguin
• Iskkadeapmi Lov om barneverntjenester vuođul
• Áššemeannudeapmi lávdegoddái/diggái
• Koordineren ja árvvoštallan
• Eastadanbarggut

Gelbbolašvuohta

Unnimusgáibádus lea 3-jagi allaskuvlaoahppu sosionoman dahje mánáidsuodjaluspedagogan ja hárjánan čielggadanbargguid bargat Lov om barneverntjenester vuođul. Mii deattuhit heivvolaš bargohárjáneami ja/dahje viidásitoahpu. Dasa lassin lea hárjáneapmi bargat individuála plánaiguin ja bálvalusaid koordineret sávahahtti.

Persovnnalaš iešvuođat

Viidásit lea ovttaskas olbmo heivvolašvuohta, nu movt stuora barganmunni, buorit gulahallangálggat, gálgga ceavzit garra dilálašvuođaid, gierdat dáhpáhusaid mat čuhcet dovdduide, reflekšuvdnagálgga, geabbilisvuohta ja doaibmagelbbolašvuohta eaktun bargui. Ferte máhttit bargat sihke iešheanalaččat ja joavkkus. Buorre čálalaš ja njálmmálaš ovdanbuktingálgga lea eaktun.

Suohkan lea guovttegielat suohkan. Ohcciid sámegielmáhttu lea mearrideaddjin go minddar lea dohkálaš gelbbolašvuohta.

Mii fállat fágalaš ja gelddolaš hástalusat ja barggánis bargoskihpáriid geain lea alla fágalaš gelbbolašvuohta fátmmasteaddji bargobirrasis.

Suohkanis dahkko virgáibidjan bálká- ja bargoeavttuid vuođul mat leat dálá lágain, njuolggadusain ja tariffašiehtadusain. Miellahttuvuohta buori penšunortnegis.

Virgáibidjama oktavuođas galgá buktit dohkálaš politiijaduođaštusa vrd. HOL § 5-4.

Finnmárkkus lea vearrogeahpádus ja oahppoloana vulosčáliheapmi. Fárrengoluid gokčat suohkana fárrennjuolggadusa mielde.

Ávžžuhit dievdoolbmuid ohcat.

Ohcanáigemearri: 17.08.2018

Ohcan oktan CV ja oahppo- ja bargoduođaštusaiguin sáddejuvvo: Guovdageainnu suohkan, Bredbuktnesveien 6, 9520 Kautokeino, dahje e-poastan suohkanii.

Eambbo dieđuid virggi birra addá suohkanjođiheaddji Bodil Utsi Vars tlf. 920 30 212 dahje tlf. 951 76 825

Guovdageainnu mánáidskuvllas lea rabas bistevaš 100% rektorvirgi skábmamánu 1. beaivvi 2018 rájes.

Skuvllas leat sullii 240 oahppi 1. luohkás 7. luohkkái. Virggis lea veahá oahpahus. Virgái gullá maiddái SAÁO pedagogalaš ja hálddatlaš ovddasvástádus. Rektorvirgi lea kultur- ja bajásšaddan suohkanhoavdda vuollásaš.

Gelbbolašvuohta

• Pedagogalaš oahppu allaskuvla/universitehtadásis 
• Heivvolaš jođihanhárjáneapmi ja jođihangelbbolašvuohta
• Ferte máhttit sihke hupmat ja čállit sámegiela

Mii ohcat čielga jođiheaddji geas leat buori ovttasbargogálggat, gii lea geabbil ja bargá čovdosiid guvlui, gii máhttá movttiidahttit ja sáhttá searvat hábmet buori bargobirrasa. Persovnnalaš heivvolašvuohta deattuhuvvo. Bálká šiehtadusaid mielde.

Guovdageainnu suohkan lea guovttegielat suohkan. Sámegielmáhttu lea eaktun virggis, ja máhtus gáibiduvvo duođaštus allaskuvladásis.

Suohkanis dahkko virgáibidjan bálká- ja bargoeavttuid vuođul mat leat dálá lágain, njuolggadusain ja tariffašiehtadusain. Geatnegahtton miellahttuvuohta stáda penšunortnegis.

Ávžžuhit dievdduid ohcat virgái.

Ohcanáigemearri: 31.08.2018

Eambbo dieđuid virggi birra addá suohkanhoavda Bodil Utsi Vars, tlf 92 03 02 12.

Gosa sáddet ohcama

Ohcan oktan CV ja oahppo- ja bargoduođaštusaiguin sáddejuvvo Guovdageainnu suohkan, Bredbuktnesveien 6, 9520 Kautokeino dahje e-poastan.

Guovdageainnu suohkanis lea rabas čuovvovaš virgi dearvvašvuođa ja fuolahusa ovttadagas, ruovttubálvalusa ossodagas, Ássankollektiivvas.

Bistevaš 58% virgi dearvvašvuođafágabargin/veahkkedivššárin, bargu dušše ihkku guokte vahkkoloahpa 6 vahkus. Virgi lea rabas 01.10.2018 rájes.

Gáibádus

Norgga dearvvašvuođafágabargi/veahkkedivššár autorisašuvdna

Deattuhit hárjáneami, persovnnalaš heivvolašvuođa ja ahte máhttá ovttasbargat.

Suohkan lea guovttegielat suohkan. Go ohcciid oahppu lea dássálaga dahje sullii ovtta dásis, de válljet ohcciid geat máhttet sihke sámegiela ja dárogiela

Suohkanis dahkko virgáibidjan bálká- ja bargoeavttuid vuođul mat leat dálá lágain, njuolggadusain ja tariffašiehtadusain. Geatnegahtton miellahttuvuohta suohkanlaš penšunortnegis.

Virgáibidjamis galgá buktit dohkálaš politiijaduođaštusa, vrd. HOL § 5-4.

Ohcanáigemearri: 31.08.2018

Eanet dieđuid virggi birra addá sadjásaš doaibmajođiheaddji Guro Nordgaard Siri tlf 92 81 80 01.

Ohcan oktan CV ja oahppo- ja bargoduođaštusaiguin sáddejuvvo Guovdageainnu suohkan, Bredbuktnesveien 6, 9520 Guovdageaidnu dahje e-poastan.