Guovdageaidnu – Ofelaš Sámis

Guovdageainnu suohkan lea ja galgá leat ovdavázzinsuohkan Sámis.

Višuvnnat čájehit ahte lea dáhttu ja áigumuš ovddidit suohkana bures, seammás go atná muittus ahte leat ollu faktorat mat dasa váikkuhit ja čuvvot vai dát galgá dáhpáhuvvat. Positiiva ovdáneapmi gáibida ovttasbarggu gaskal ovttadagaid, ealáhussurggiid ja politihkalaš surggiid.

Váldoulbmil

Váldoulbmil lea ovdánahttit Guovdageainnu suohkana geasuheaddji sámi servodahkan sihke ássiide ja ealáhussii.

Váldomihttu

Váldomihttu lea viiddis ja guoská sihke ássiide ja ealáhusdoibmii. Dat speadjalastá maiddai ahte sámi kultuvrra lea vuođđun suohkanii. Guovdageainnu ássit ja muđui servodat guddet mielde elemeanttaid sihke Norgga ja sámi kultuvrras.

Geasuheaddji báiki

Lea dehálaš ahte suohkanis leat buorit fálaldagat ássiide, sihke almmolaš bálvalusaid ektui ja maiddai kultur-  ja astoáigefálaldagaid ektui. Ferte maiddai láhčit dili ahte ealáhusdoaimmain leat stabiila ja buorit rámmaeavttut. Ovttasdoaimma ja oktasaš ulbmilaš bargguid bokte, mat doaimmahuvvojit áŋgirvuođain, iluin ja movttain, galgá Guovdageainnu suohkan ovddiduvvot nu ahte šaddá geasuheaddjin sihke ássanbáikin ja fitnodagaid ásahemiide

Gávdnet go dan maid ozat?