Bures boahtin suohkana ođđa neahttasiidui!

Johan Vasara - Deaddil ja stuora govva ihtá Marie Louise Somby

 

Dán leat guhka vuordán - dál viimmat leat beassan almmuhit suohkana ođđa neahttasiiddu! Váldde áinnas dál juo atnui neahttasiiddu, vaikko buot dieđut eai vuos leat sajis. Mađi eambbo siidu geavahuvvo, dađi buoret dat šaddá!

Mun jáhkan mii buohkat geat orrut Guovdageainnus guhká leat váillahan albma neahttasiiddu gos álkit gávdná dieđuid sihke bálvalusaid, bargiid, politihkkáriid ja eará áššiid birra. Dál go eanet aht eanet bálvalusat leat čoavdinládje neahta bokte, de leat dieđusge stuora vuordámušat ahte maiddái suohkana bálvalusaid galggašii leamen álki oláhit neahta bokte. Dán ođđa siiddus eai leat vuos visot dieđut ja funkšuvnnat sajis, muhto mis lea čielga mihttun ahte áiggi mielde galggat buori muddui ieš beassat gálgat earániid neahta bokte - leaš dál dieđuid gávdnat, ohcamušaid deavdit dahje diimmuid diŋgot. Ulbmil lea dutnje fállat jođaneappo ja buoret bálvalusa, seammás go suohkan nai seastá áiggi ja ressursaid.

Guovdageainnu suohkanis leat muđui ollu buori politihkalaš áššit jođus, ja de lea maid dehálaš ahte álbmot diehtá dáid birra. Danin lean deattuhan ahte maiddái sátnejođiheaddjis ferte leamen sierra siidu suohkana neahttasiiddus, gos olbmot besset oaidnit mii dáhpáhuvva suohkanpolitihkas. Jus dus leat áššit maid oainnát dehálažžan loktet politihkalaččat, de váldde áinnas oktavuođa muinna.

Muđui sávan buohkaide buori geasi. Muitte vuoidasa, sihke beaivváža ja čuoikkaid vuostá!

Váimmolaš dearvvuođat sátnejođiheaddjis :)

Gávdnet go dan maid ozat?