Almmuhan 04.10.2018
inga-turi-hatta

Čakčamánu 3. beaivvi gulahii Norgga Gonagasviessu ahte Gonagasa Ánsomedálja geigejuvvo Inga J. Turi Hættai. Ánsomedálja evttoheaddjit leat Guovdageainnu girkosearvi ja sotnabeaiskuvla. Guovdageainnu suohkan sávvá Ingai ollu lihkku!


Almmuhan 18.09.2018
KBA 1

Guovdageainnu suohkan lea suohkanplána márkanplánas várren stuorebuš ealáhusguovllu gosa dán dálvvi galget regulerejuvvot ođđa ealáhustomtat. Guovlu lea lahka márkanguovddáža, bivnnut, ja boahtá leamen hirbmat dehálaš Guovdageainnu ealáhusovdánahttimii čuovvovaš logenarjagi.

Almmuhan 18.09.2018
Døgnhvileplass 1 Gáhkkorčorru parkering

Guovdageainnu suohkan čoahkkinasti duorastaga 13.9 Stáda Geaidnodoaimmahagain ulbmilin ásahit bistevaš jánddurbisananbáikki oktan servicevisttiin Guovdageainnu márkanbáikái. Stáda Geaidnodoaimmahat lea dál almmuhan gilvvu, ja huksejeddjiid áigemearri buktit fálaldaga Doffin/KGV bokte lea golggotmánu 22. beaivi 2018.

Almmuhan 18.06.2018
Beaivváš

Statsbygg ovddidii njukčamánu 1. b. 2018 iežas konseaptaárvalusa ráđđehussii, mas evttohit movt ja gosa ođđa Sámi joaŧkkaskuvla- ja boazodoalloskuvla ja Sámi Našunálateáhter Beaivváš galget ceggejuvvot. Dan botta go vuordit ráđđehusa huksengohččuma, de lea Guovdageainnu suohkan ráhkkanahttime huksenbargguide. Suohkanstivra čuovvolii Statsbygga árvalusa, ja várri geassemánu 14. b. 300 000,- areálaplánabargui mas evttohuvvon huksenguovlu sihkkarasto ođđa teáhtera ja skuvlla várás.

Almmuhan 15.06.2018

Suohkanstivra čoagganii duorastaga 14.6 Mázii meannudit áššiid. Dá lea oanehis čoahkkáigeassu. 

Almmuhan 11.06.2018
Ktk-008

 

Dán leat guhka vuordán - dál viimmat leat beassan almmuhit suohkana ođđa neahttasiiddu! Váldde áinnas dál juo atnui neahttasiiddu, vaikko buot dieđut eai vuos leat sajis. Mađi eambbo siidu geavahuvvo, dađi buoret dat šaddá!

Gávdnet go dan maid ozat?