Rehkegat Guovdageainnu suohkanii

Diehtu min gálvolágideaddjiide

Rehketčujuhus:

Guovdageainnu suohkan sávvá rehkegiid EHF-formáhtas min gálvolágideddjiin buot lágan oastimiin ja diŋgojumiin.

Rehkegat báberhámis:

Guovdageainnu suohkan,

Bredbuktnesveien 6,

9520 Guovdageaidnu

 

Rehkegat EHF-hámis

Min rehketčujuhus lea min organisašuvdnanummár 945475056

Guovdageainnu suohkan atná Evry aksess-čuoggán. Jus dus ii leat rehketdoalloprográmma mii sáhttá ráhkadit rehkegiid EHF-hámis de sáhttá du báŋku dahkat dan du ovddas. Loga eambbo DIFI ruovttusiidduin maid don gálvolágideaddjin fertet dahkat vai sáhtát sáddet rehkegiid EHF-hámis. 

 

Rehkega sáhtát maid sáddet e-boastta bokte e-boastačujuhussii e-post@kautokeino.kommune.no

 

Sisdoallu

Lea dehálaš ahte diŋgojeaddji namma ja ovttadat boahtá ovdan rehkegis. Dan olbmo namma gii lea diŋgon gálvvu/bálvalusa suohkana namas ferte boahtit ovdan rehkegis mii sáddejuvvo suohkanii.  

Máhcahit dábálaččat rehkegiid jus leat:

  • Boastu čujuhusat/boastut sáddejuvvon.
  • Váilevaččat (sisdoalu, kvalitehta ja merkema hárrái)

Sisdoallu rehkegis maid sáddet suohkanii ferte čuovvut njuolggadusaid girjedoallolága ja láhkaásahusgirjedoalus.

Buot máksimat gálvolágideddjiide dahkko ekonomiijakantuvrras, ja sis sáhtát jearrat jus leat gažaldagat.

 

Rehkegat suohkanii

Gáibádus rehkega sisdollui

Girjedoallolágas ja láhkaásahusas (§5-1-1) girjedollui bohtet ovdan makkár gáibádusat biddjojit rehkega sisdollui. 

Rehkegis maid sáddet Guovdageainnu suohkanii galget unnimustá čuovvovaš čuoggát leat mielde:

  • Nummar ja dokumentašuvdnadáhton (dáhton go rehkega čálát)
  • Soahpamušbeliid namma, čujuhus ja organisašuvdnanummár (galgá MVA čuožžut jus gávpedoaibma lea momsadivatlohkui sisačálihuvvon)
  • Makkár gávpegálvvu/bálvalusa birra lea sáhka ja man ollu
  • Áigi ja báiki gos gálvu/bálvalus lea addon
  • Máksu ja máksináigemearri, ja
  • vejolaš momsa ja eará diva mii lea čadnon gávpái masa gáibiduvvo sierra čilgejupmi lágas dahje láhkaásahusas. Momsa galgá oidno norgga ruvdnon. Fuomášuhttet ahte leat dušše fitnodagat mat leat čálihuvvon momsadivatlohkui geat sáhttet čállit rehkega momssain.
  • Gávpegálvu/bálvalus man ovddas čálát rehkega ferte leat  dan ulbmila ektui maid fitnodat lea registreren iežas ulbmilin Ovttadatregistaris. 

Bivdit ahte rehkegii lea bidjon referánsa juogo olbmui gii lea diŋgon gálvvu/bálvalusa suohkana bealis dahje referánsanummára/diŋgonnummara. Dat álkida ja oanida min rehketproseassa. 

 

 

Máksineavttut

Guovdageainnu suohkan bivdá 30 beaivvi máksináigemeari. Vaikko bargat olahit jođánis rehketmeannudeami, de manná unnimus 2 vahkku dan rájes go gálvolágideaddji sádde rehkega gitta dat lea dohkkehuvvon rievttes ovttadagas suohkanis. Čilgehus dasa lea go poasta galgá sihke olgguldasat ja siskkáldasat johttit ja meannudanáigi go rehkegat bohtet sisa. Sidjiide geat ožžot rehkegiid galgá maiddái leat doarvái áigi dohkálaččat meannudit rehkega ovdalgo dohkkehuvvo ja mákso. Jus máksináigemearri lea oanehit go 30 beaivvi gártá suohkanii dávjá váttisvuohtan doalahit áigemeriid.

Gávdnet go dan maid ozat?
Kirsten Karen Gaup
Fágabargi, ekonomiija/Fagarbeider, økonomi
E-poasta
Telefovdna 922 01 039