Sisdoallu suohkana divagiin

Loga eambbo suohkana divagiid sisdoalu birra

Čáhce- ja duolvačáhcebálvalusmáksu

Diva lea juhkkon guovtti oassái: okta abonnemeantadiva ja okta golaheaddjidiva.

  • Abonnemeantadiva lea okta mearriduvvon haddji maid juohke ássanovttadat ferte máksit. Dá lea diva maid buohkat fertejit máksit, ja lea seamma haddi beroškeahtta ássanovttadaga sturrodagas.
  • Golaheaddjidiva mákso m3 mielde. M3 lohku lea mihttiduvvon golaheapmi, jus lea čáhcemihttidanrustet. Jus ii leat čáhcemihttidanrustet, de meroštallo m3 lohku ássanovttdaga geavahanareála (BRA) ektui.

Bálvalusmávssut čuvvot iešgoastádusprinsihpa.

Buollin- ja ruhttenbálvalusmáksu

Bálvalusmáksin rehkenastto juohke biipu ovddas ja sistisdoallá earret eará ruhttema ja bearráigeahču liggenrusttegiin.

Bálvalusmávssut čuvvot iešgoastádusprinsihpa.

Duopparčorgen- ja bázáhusgurrenbálvalusmáksu

Suohkan galgá fuolahit báikedoalubázáhusaid čohkket. Báikedoalubázáhus leat bázáhusat priváhta báikedoaluin. Bázáhusgieđahallan priváhta báikedoaluide suohkanis lea bidjon VEFAS IKS, mii lea interkommunála fitnodat maid suohkanat Áltá, Láhppi, Guovdageaidnu ja Ákŋoluokta oamastit. Don gávnnat eanet dieđuid suohkana bázáhusgieđahallama, hattiid, rahpanáiggiid bázáhusbáikkis, gurrenruvttuid, birasstašuvnnaid jna VEFAS IKS ruovttusiidduin.

  • Duopparčorgenbálvalusmáksu lea fásta haddi mii mákso juohke bázáhuslihtti ovddas, ja lea čadnon dasa man stuoris lihtti lea
  • Bázáhusagurren dahkko dábálaččat oktii jagis
  • Bálvalusmávssut čuvvot iešgoastádusprinsihpa.
Gávdnet go dan maid ozat?