Huksenlobi suohkanis ohcat- de fertet ránnjáide dieđihit  

Áiggot go hukset juoidá mii gáibida ahte fertet huksenlobi ohcat suohkanis, de fertet álggos dieđihit ránnjáide dan birra. Vaikko vel hukset juoidá mii ii gáibit ohcama ja almmuheami, de lea vuogas dieđihit huksema birra ránnjáide. Ii leat dárbbašlaš sáddet ránnjádieđáhusa jus bargu čuohcá unnán ránnjáide ja buohtalas ránnjáide (gjenboere). Iige gáibiduvvo ránnjádieđáhus go viesu siste fysalaččat divodat.   

Don soaittát beassat ránnjádieđáhusa sáddemis jus áiggot hukset opmodaga ala gos lea guhkes gaska ránnjái, dahje áiggot cegget unnit huksehusa man ránnjá ii oainne iežas eananopmodahkii . Suohkan sáhttá rievdadit dán árvvoštallama. 

Sidjiide fertet dieđihit

Ránnjáide ja buohtalas ránnjáide (gjenboere). Ránnját leat opmodateaiggádat geain leat oktasaš ráját doaibmabiddji opmodahkii. Buohtalas ránnját (gjenboere) leat sii geat ásset eananopmodagsa man luodda, gáhtta, johka dahje eará areála earuha du huksenopmodagas. Sutnje maid gáibiduvvo ránnjádieđáhus/ránnjádiehtu.

• Eaiggádiidda sihke huksejuvvon ja ávdin opmodagain.  
• Eaiggádat/láigoheaddjit ránnjá- ja buohtalas ránnjáopmodagain. 
• Jus leat eambbo eaiggádat/láigoheaddjit seamma opmodagas, de galggat dieđihit buohkaide. 
• Jus ohcan guoská gaikumii, de fertet dieđihit sidjiide geain lea ruhtagiddehus opmodagas. 

Suohkan sáhttá gáibidit ahte eará eaiggádat dahje láigoheaddjit, earret go ránnját ja eará buohtalas ránnját (gjenboerer), galget várrejuvvot jus sidjiide čuohcá huksenplána. Don it galgga suohkanii sádde kopiija ránnjádieđáhusas - dan dagat go sáddet huksenohcama.

Ránnjáid ja buohtalas ránnjáid namma ja poastačujuhusa listtu oaččot huksen- ja oasseáššiin diŋgot dáppe.
Diŋgo dillekártapáhka-bestilling av situasjonskartpakke 
 

Dán ferte ránnjádieđáhus sisdoallat 

Geavat skovi -Bruk skjemaer fra dibk.no.

Čilge maid áiggot bargat. Fertet leat nu dárkil ahte ránnját ja buohtalas ránnját sáhttet árvvoštallat čuohcá go du plána sidjiide.

Várrehus galgá sisdoallat daid seamma dokumeanttaid mat galget čuovvut ohcama jus dat čuohcá ránnjáide dahje buohtalas ránnjáide. (Geahča eambbo ránnjádieđáhusa birra huksenášše-láhkanjuolggádusas.)   

Jus huksehusas gáibiduvvo dispensašuvdna, de fertet dieđihit dan birra.

Fertet dieđihit ránnjáide áigemeari goas don galggat ožžon vejolaš mearkkašumiid. Áigemearri galgá leat unnimus 2 vahkku das rájes go ránnjádieđáhus lea sáddejuvvon ja dárbbašlaš dokumeanttat sis gávdnojit.
 

Ná sáddet ránnjádieđáhusa 

Don sáhtát sáddet ránnjádieđáhusa e-poastta bokte. Muhto fuolat ahte ránnjás oaččut vástádusa ahte son lea ožžon du e-poastta. Automáhtalaš lohkanduođaštus ii leat doarvái. Don sáhtát ain sáddet várrehusa rekommanderejuvvon dahje persovnnalaččat addit dan.

 Guite ránnjádieđáhusas- Kvittering for nabovarsel devdojuvvo ja sáddejuvvo suohkanii oktan huksehusohcamušain.

Okta dieđáhus lea doarvái 

Ohcamuša sáhttá juohkit guovtti oassái: vuosttaš ohcamuš -oažžun lohpi hukset dan maid leat jurddašan, ja nubbi ohcamuš -álggahit huksema. De don fertet sáddet ránnjádieđáhusa vuosttaš oassái, nu gohčoduvvon rámmalohpái. 

Ná meannudit ránnjáid mearkkašumiid. 

Fertet vuostáiváldit mearkkašumiid mat ránnjáin leat du ránnjádieđáhussii. Don sáhtát rievdadit huksehusplánaid ránnjáid mearkkašumiid vuođul ovdal go suohkanii sáddet ohcamuša. Jus rievdadat olu dahje jus leaš mihkkege mii váikkuha eará ránnjáide, de fertet sáddet ođđa ránnjádieđáhusa. 
Go sáddet ohcamade fertet bidjat mielddusin dokumentašuvnna ahte ránnját leat ožžon dieđáhusa, ja čilget movt leat vuhtiiváldán vejolaš mearkkašumiid.
 

Ođđa ránnjádieđáhus 

Jus manná badjel jahki dan rájes go sáddejit ránnjádieđáhusa ja dassážii go suohkanii sáddet ohcama, de fertet sáddet ođđa ránnjádieđáhusa. 

Bagadus SAK10 § 5-2:ai. Ránnjádieđáhus 

Mearkkašumit ránnjávárrehussii ->