Máze skuvla

Máze skuvllas leat sullii 30 oahppi. Skuvla lea unnitjuhkkon skuvla. Máze áŋgiruššá sakka nannet lohkama ja čállima.

Máze skuvllas leat dán jagi 29 oahppi ja 3 gáiddusoahppi. Skuvllas leat 11 bargi, guđet leat beaivválaččat barggus. Skuvla lea unnitjuhkkon skuvla ja juogut dán jagi leat ná:

  • 2.-3. Klássa
  • 4.-5.klássa
  • 6.-7.klássa
  • 8.-10.klássa.

Sámegielat skuvla mas lea mobiltelefovdna gielddus

Máze skuvllas leat buot oahppit ja oahpaheaddjit sámegielagat. Oahppit bohtet sihke Mázes, Suolovuopmis, Šuoššjávrris ja Gárgoluobbalis. Buot oahpahus doaibmá sámegillii. Skuvllas lea mobiilatelefovdna gielddus.

Nannet lohkama ja čállima

Máze áŋgiruššá sakka nannet lohkama ja čállima. Máze skuvlla lea ge de dán oktavuođas ceggen ulbmiliid lohkamii ja čállimii:

  • Mii galgat buohkat movttiidahttit ohppiid lohkamii ja čállimii. Motivašuvdna oassi lea buot deháleamos.
  • Mii bidjat johtui intensiiva lohkan- ja čállinkursa mii bistá sullii 6 vahkku, dát lea álggus skuvlajagi. Dat álgá 1. skuvlabeaivvi rájes, iige galgga báhcit, vaikko mii vuolgit meahccái dahje eará tuvrraide, mii váldit dan fárrui.
  • Juohke klássa vállje ovtta skuvladiimmu juohke beaivve gos bargat lohkan- ja čállinstrategiijaiguin
  • Dasa lassin fertejit buot oahpaheaddjit leat mielde bargame lohkamiin ja čállimiin beroškeahttá makkár fága dat lea ja leago friddjagoartil dahje meahccetuvra. Ulbmil lea ovdánahttit mánáid riektačállima, čállinipmárdusa ja buoridit čáppačállima.  
  • Mii galgat loktet čállima ja lohkama buot fágain.

Doaimmat ja biras

Oktasaš juovlafeasta, teáhter ja konsearta. Dát doalut lea oassin min barggus čađahit oahppoplána ulbmiliid gos drámá, musihkka, dánsun, giella ja kultuvra leat guovddáš doahpagat. Mázes lea vuojahat mii lea 12,5 mehtera. Muđui lea stuora ja buorre skuvlašillju, mii addá buriid vejolašvuođaid duhkoraddat ja eará doaimmaid lágidit.

Gulahallandieđut skuvlla bargiide

Gulahallandieđut skuvlla bargiide, deaddil “Avdeling”/”Ossodat” njuola ja doppe válljet “Máze skuvla/skole” ja deaddil “Oza”.

Gávdnet go dan maid ozat?
Jan Ole Hermansen
Rektor Máze skuvla/skole
E-poasta
Telefovdna 932 71 222
Máze skuvla/skole Ovdakantuvra/forkontor
Telefovdna 915 16 724