Oahpahus ja doaimmat

Nuoraidskuvla ráhkada doaibmaplána mas olles skuvlajagi doaimmat ja oahpahus lea mearriduvvon vahkko- ja beaivedásiide. Klássain leat vel áigodatplánat, mat bistet 4 vahku hávális.

Nuoraidskuvlla 18/19 doaibmaplána, lea dás oaidnimis. (PDF, 2 MB)

 

Dás leat oaidnimis luohkáid áigodatplánat (belohahkii gávdnamis)

 

Luondduskuvla – meahcce-, mearra- ja dálveskuvla – doaimmat

Juohke klássaceahkis lea sierra fáddá váldosisdoallun juohke jagi ja lea sirdán oahppo-arená lundui. Min 8. ceahkis gohčoduvvo dát mearraskuvlan, oahppit barget mearrasámi kultuvrrain, ja klássalatnja lea sirdojuvvon lundui, mearragáddái. Min 9. ceahki luondduskuvla gohčoduvvo meahcceskuvlan, oahppo-arená lea sirdojuvvon lávuide ja sisdoallu lea oahppat movt birget meahcis muhtin áigge. Min 10. ceahkis lea fáddá dálveskuvla, ja de mannet oahppit ealu lusa ja galget birget luonddus muhtin čoaska dálvebeivviid.

Sámi kulturvahkku ja faláštallan

Dasa lassin leat skuvllas sámi kulturvahkut main sisdoallu lea earret eará luohti, sálbmalávlun, girkoeallin, návehastin, rievssatgárdun ja eará sámi meahcceealáhusat. Jahkásaččat lágiduvvo nu gohčoduvvon Davvikalohttačuoigamat, mas olles skuvla earret 1. luohkká oassálastá. Čuoigamat lágiduvvojit ovttasbargun skuvllaiguin lagašsuohkaniin Suomas ja Ruoŧas, Enodat, Muoná, Gáresávvon ja Vazáš.

Lanjat ja olgoguovlu

Skuvllas lea sierra 12,5 vuojadanbasseaŋga mii lea buori ortnegis ja adno mánáid- ja nuoraidskuvllas oahpahusdoaimmaide. Skuvllas lea maiddai lášmmohallanlatnja, ja atná maiddai suohkana faláštallanhálla, ja goappašagat adnojit lášmmohallamii ja konsearta- ja teáhterbáikin. Skuvllas lea maiddai duodjelossodat ja gievkkan oahpahussii, ja vel luonddufágalatnja. Skuvllas lea maid spáppastallanhiŋggal ja darfegoađit mat viššalit adnojuvvojit oahpahusdoaimmaide.

Ohcat virgelobi oahpahusas

Gávdnet go dan maid ozat?
Guovdageainnu vuođđoskuvla Grunnskolen Kautokeino
Telefovdna 455 04 811