Šatta vel buoret váhnen!

Deaddil ja stuora govva ihtáGuovdageainnu suohkana fágarasttildeaddji joavku (PPB, psykologabálvalus, mánáidsuodjalus ja dearvvašvuođadivššár) fállá ICDP váhnenbagadallama suohkana váhnemiidda.Fálaldat lea oassin suohkana eastadanbargguin, lea nuvttá ja vuosttašceahkkefálaldat

ICDP lea joavkováhnenbagadallán. Joavkkus leat gaskkal 6-8 váhnema geat deaivvadit guđa háve. Juohke deaivvadeapmi bistá guokte diimmu. International child development programme lea vuođđun váhnenbagadallamii.

Prográmma oasseváldin don beasat deaivvadit eará váhnemiiguin joavkkuin gos dii sáhttibehtet lonohallat vásáhusaid ja hupmat iluid ja hástalusaid birra, mat gusket máná ja váhnema oktavuhtii. Bagadallamis mannat gávcci fáttá čađa buori ovttasdoaibmama birra.

Manne ICDP?

Bajásgeassit máná lea okta dain deháleamos ja eanemus hástaleaddji bargguin mii dus sáhttá leat. Du mánná ii leat unna veršuvdna dus alddat, muhto son lea sierra olmmoš, gii dađistaga ovdána iežas identitehtain ja šaddá iešbirgejeaddji. Ollesolmmožin du bargu lea doarjut máná ja leat čielga luohtehahtti ja ráhkislaš váhnemin.

Seammás go mánnái attát fuolahusa ja lagasvuođa, de fertet maid bidjat gáibádusaid ja bidjat rájiid veahkehan dihte máná šaddat oadjebassan ja ieš birgejeaddjin. Don it oaččo makkárge gárvves neavvaga, muhto veahki gávdnat čovdosiid mat heivejit dutnje ja du mánnái, ságastallama, joavkohárjehallama ja bargguin maid geahččalat ruovttus iežat mánáin.

Dieđut

Háliidat go eambbo dieđuid? Geahča dáppe

Fágarasttildeaddji joavku sávvá bures boahtima buot váhnemiidda. Jus lea stuora beroštupmi de sáhttá ráhkadit sierra joavkkuid áhččeváhnemiidda , aktováhnemiidda, nuoraidváhnemiidda, smávvamánáidváhnemiidda ja earáide.

Dieđiheapmi

E-poasta bokte dán čujuhussii dahje sms’a bokte dan telefonnummárii 926 33 107.

Gávdnet go dan maid ozat?
Ragnhild Buljo
Mánáidsuodjaluskonsuleanta/Barnevernskonsulent
E-poasta
Telefovdna 926 33 107