Álbmotgirjerájus ja girjebusse

Girjerájus lea Guovdageainnu Kulturviesus ja lea rabas mánnodagaid dii. 12:00-18:00, bearjadagaid dii. 10:00-14:00 og muđui árgabeivviin dii. 10:00-15:00.

Guovdageainnu álbmotgirjerádjosis gávnnat girjjálašvuođa sáme- ja dárogillii, jietnagirjjiid, CD:aid ja DVD:aid sihke mánáid ja rávisolbmuid váste. Girjjiin lea mánu luoikkahanáigi, CD:in guokte vahku ja DVD:in vahku.
Oza min girjjiid dáppe!

Vaikko makkár girji

Skuvlaklássat, mánáidgárddit ja eará ásahusat sáhttet luoikkas oažžut girjelána ja šiehtadit man guhká dárbbašit girjjiid, ovdamearkka dihte fáddábargguid oktavuođas. Mii sáhttit maiddái diŋgot girjjiid mat mis eai leat, eará girjerádjosiin. Dat lávejit ádjánit sullii vahkku dan rájes go diŋgot girjji dassážii go lea ollen min lusa.

Luoikkahangoarta

Luoikkahangoartta oaččut mis girjerádjosis, goarta lea du iežat, ja lea du ovddasvástádus mii dainna luoikkahuvvo. 

Ii dušše girjjiid

Sáhtát maid luoikkahit earret eará čuoiganskuovaid, sabehiid ja geavresoppiid, luisttiid, sihkkeliid, lávuid, tealttáid, firpmiid, meahcástanrusttegiid, gitára ja keyboarda. Dávviriin lea vahku luoikkahanáigi. Girjerádjosis lea vejolašvuohta geavahit dihtora ja mánáide lea tv speallun vejolašvuohta. Dávviriid gávnnat dáppe.

Čuovo min facebookas

 

Girjebusse

Davviriikalaš girjebusse lea ovttasbargu gaskal Guovdageainnu, Eanodaga ja Muoná suohkaniid. Girjebusses leat sámegielat, dárogielat ja suomagielat dávvirat. Luoikkaheapmi lea nuvttá. Áigetávvalat ráhkaduvvojit Muoná girjerádjosis álo jahkái ovddasguvlui. Dieđuid bisánanbáikkiid ja dáhtoniid birra gávnnat earret eará Guovdageainnu álbmotgirjerádjosis.

Čujuhusat:

 

Álbmotgirjerájusláhka

Gávdnet go dan maid ozat?
Girjerájus Biblioteket
Telefovdna 454 00 933

Rahpanáigi

Mánnodaga/mandag dii/kl. 12:00-18:00
Disdaga/Tirsdag dii/kl. 10:00-15:00
Gaskavahkku/Onsdag, dii/kl. 10:00-15.00
Duorastaga/Torsdag, dii/kl. 10:00-15.00
Bearjadaga/Fredag, dii/kl. 10:00-14.00