Oahpahusa jahkediimmut, čađaheapmi ja praktihkalaš dieđut

Ohppiid jahkediimmut juogaduvvot gaskal neahttavuođđuduvvon oahpahusa ja hospiterema.

Dieđut mat juhkojuvvojit skuvlajagi álggus:

  • Skuvlaruktu
  • Oahpahusa diibmoplána
  • Oahpahusa jahkeplána
  • Dieđut stuorát prošeavttaid birra ja daid áigerámmat
  • Dieđut vejolaš plánejuvvon jávkama birra
  • Dieđut oahpponeavvuid nu ahte ruovttusuohkan farggamusat sáhttá daid oastit skuvlii
  • Juogadit gulahallandieđuid gaskal oahppi, vánhemiid, skuvlla, gulahallanoahpaheaddji ja gáiddusoahpahusoahpaheaddji
  • Dárbbu mielde sáhttet váhnemat váldit oktavuođa gáiddusoahpahusoahpaheddjiin ságastallat oahpahusa birra.

Buozanvuohta, eret oahpahusas ja ruovttubarggut

Jus oahppi ii sáhte boahtit oahpahussii buozanvuođa dahje eará dihte, de galgá gáiddusoahpahusoahpaheaddji oažžut dieđut dan birra. Čállo goas oahppi lea eret. Gáiddusoahpahusoahpaheaddjis galgá leat gulahallanolmmoš ohppiid skuvllas. Vahkkoplána sáddejuvvo skuvlii ja ruktui. Gáiddusoahpahusoahpaheaddji vuordá ahte ruovttubargguid čuovvulit váhnemat.

Gáiddusoahpahus neahtas ja hospiteren

Neahttavuođđuduvvon oahpahusa

Diibmoplána

Oahpahus lea mearriduvvon diibmoplánii, ja lea gaskal diibmu 08.20 – 14.40 mánnodagas bearjadahkii. Oahpaheaddjit gáiddusoahpahusguovddážis čuvvot Guovdageainnu suohkana mearriduvvon skuvlaruvttu. Jahkediimmut juhkkojuvvojit 45 minuhtta dahje 60 minuhtta vuorrun.

Skuvllat váldet oktavuođa gáiddusoahpahusoahpaheddjiin bidjat davvisámegieldiimmuid diibmoplánii.

Skype for business

Neahttavuođđuduvvon oahpahusas atnet oahpaheaddjit prográmma Skype for business ja dan sáhttá viežžat neahtas.

  • Buot oahppit/skuvllat fertejit ráhkadit geavaheaddji prográmmas
  • Skuvla ferte ohcat sámegieloahpaheaddji nama mielde ja bidjat su oktavuođalistui

Oasit oahpahusas

  • Njálmmálaš
  • Čálalaš
  • Lohkat
  • Neahttasiiddut
  • Dihtorspealut
  • Sámi filmmat

Gáiddusoahpahusoahpaheaddji háliidat ahte oahppis lea rávisolmmoš fárus go skuvlajahki álgá.

Mii ferte oahppin leahkit go lea oahpahus?

Go ohppiin lea neahttaoahpahus, de sis ferte leat:

  • Čállingirji
  • Bargogirji
  • Lohkangirji
  • Liántta ja ivnnit
  • Sihkkungumme
  • Girjjáš masa čállá sániid

Reaiddut oahpahussii:

  • Dihtor, ii fal neahttabreahtta
  • Buorit bealljebilttut
  • Sáhpán. Mátkedihtorii galgá maiddai bidjat sáhpána.
  • Sámi bustávaid galgá bidjat doaibmat dihtoriidda (skuvllat sáhttet váldit oktavuođa gáiddusoahpahusoahpaheddjiin)
  • Sámegiella boallobeavddis á-q, č-x, đ-‘, ŋ-¨, ŧ-y, š-w, ž-<
Hospiteren

Guokte vahku juohke skuvlajagi, ovtta vahku čakčajahkebeali ja ovtta vahku giđđajahkebeali. Hospiteren lea oktiibuot 47 jahkediimmu.

Hospiterema organiseren

  • Bargu man gáiddusoahpahusguovddáš lea organiseren. Meahcceskuvla
  • Sierra klássa gáiddusoahpahusohppiide
  • Hospiterema diibmoplána sáddejuvvo gulahallanoahpaheaddjái ja oahppi váhnemiidda/ovddasteddjiide
  • Gáiddusoahpahusoahpaheaddjit deaivvadit ohppiiguin Márkan nuoraidviesu luhtte, juste Guovdageainnu vuođđoskuvlla guoras
  • Gulahala suohkanin makkár áigodagas/vahkkuid hospiteren vahkuid čađahuvvo
  • Skuvllat ja váhnemat gávdnet Guovdageainnu vuođđoskuvlla skuvlaruvttu dás

Ohppiide geain lea gullevašvuohta suohkanii

  • Oahppit bohtet Márkan nuoraidvissui ja deaivvadit iežaset gáiddusoahpahusoahpaheddjiiguin.
  • Orrot oahppásiid/bearraša luhtte.

Ohppiide geain ii leat gullevašvuohta suohkanii muhto bohtet hospiteremii

Oahppit ja váhnemat/ovddasteaddjit bohtet Márkan nuoraidvissui Guovdageainnu vuođđoskuvlla lahka ja deaivvadit iežaset gáiddusoahpahusoahpaheddjiiguin.

Gávdnet go dan maid ozat?
Karen Proksi
Virksomhetsleder, språk og kultur
E-poasta
Telefovdna 922 30 895