Ássanmoktafoandda njuolggadusat

Mánát jiek?a alde / Barn på is - Deaddil ja stuora govva ihtá

Suohkanstivra lea ásahan ássanmoktafoandda juovlamánu 2018 áššis 29/18 (PDF, 127 kB) Ekonomiijaplána 2019 – 2022, gos ovdagoddi lea ožžon válddi bidjat njuolggadusaid ja maid hálddašit foandda. Jahkái 2019 lea várrejuvvon kr. 500 000. Submi sáhttá rievddadit jagis jahkái.  Ruhta mii lea báhcán jagi loahpas bissu foanddas ja sáhttá geavahuvvot čuovvovaš jagi. Ássanmoktafoanddas ii leat makkárge ohcanáigemearri.

Ássanmoktafoanda lea hálddašanfoanda mas sáhttá ohcat ruđa gos juolludeamit dáhpáhuvvet doarjagiid vuođul (ii loatna). Ruđat sáhttet maiddai suohkanstivrra mearrádusaid mielde dahje ovdagotti njuolggadusjusteremiid mielde geavahuvvot eará ulbmiliidda. Ássanmoktafondii bidjo ođđa kapitála suohkanstivrra bušeahttagieđahallamis.

Duogáš ja ulbmil

Guovdageainnu suohkan áigu hábmet ja doarjut geasuheaddji báikkálašservodagaid. Suohkan háliida Ássanfoandda bokte doarjut báikkálaš prošeavttaid mat sáhttet ovddidit aktivitehtaid, geasuheaddjivuođa ja dan bokte ássanmovtta Guovdageainnu suohkanii.   

Gii sáhttá ohcat?

  • Joavkkut ja searvvit  
  • Eaŋkilolbmot  
  • Organisašuvnnat  
  • Suohkan maid sáhttá geavahit ruđaid ássanmoktaulbmiliidda  

Masa sáhttá ohcat doarjaga?  

  • Prošeaktavuođđuduvvon báikeovddideapmi
  • Kulturvuođđuduvvon báike- ja ealáhusovddideapmi  
  • Aktivitehtaid/rusttegiid heiveheapmi
  • Ovddidanprošeavttat mánáide, nuoraide ja vuorrasiidda  
  • Beagginbargu  
  • Čábbudanbijut/čiŋaheapmi  
  • Deaivvadanbáikkiid ásaheapmi
  • Dábálaš bijut mat ovddidit áigeloaktima ja álbmotdearvvašvuođa

Deattuhuvvo ahte ássanmoktaruhta vuoruhuvvo váldoprošeavttaid čađaheapmái – ii ovdaprošeavttaid. Prošeakta ferte leat plánejuvvon gárvvisin ovdal go ohcan sáddejuvvo.

Masa ii sáhte ohcat doarjaga?

  • Ovttaskas konferánssaid/semináraid čađaheapmái
  • Fásta doibmii, fásta doaibmagoluide dahje aktivitehtaide mat mannet dan vuollái mii ipmirduvvo normálaaktivitehtan
  • Ovdaprošeavttaide

Kriteriat juolludeapmái  

  • Suohkanlaš ássanmoktaruđat leat oasseruhtadanortnet
  • Prošeavtta čohkkejuvvon olggosgoluin, sáhttá ássanmoktaruhta eanemus gokčat:
    • 90 % olggosgoluin go prošeavtta ollislašrámma lea vuollel kr. 30 000.
    • 80 % olggosgoluin go prošeavtta ollislašrámma lea intervállas  kr. 30.001 – 50.000
    • 70 % olggosgoluin go prošeavtta ollislašrámma lea intervállas  kr. 50.001 – 70.000
    • 60 % olggosgoluin go prošeavtta ollislašrámma lea intervállas  kr 70.001 – 100.000
    • 50 % olggosgoluin go prošeavtta ollislašrámma lea eambbo go kr. 100.001
  • Prošeavttat main ollislašrámma lea unnit go kr. 30.000 mearrida sátnejođiheaddji referáhtain ovdagoddái.
  • Prošeavttat mas lea ollislašrámma eambbo go kr. 30.000 meannuduvvot ovdagottis.
  • Ohcci ferte veadjehahttit dievas ruhtadeami, oktan duhtadeaddji iežaskapitála. Iežas nákcabidjan (diimmut) sáhttá muhtin oktavuođain dohkkehuvvot iežaskapitálan.  
  • Prošeavttat vuoruhuvvet dušše jus dat árvvoštallot juksat mihttomeari, gč. “duogáš ja ulbmil”.
  • Prošeavttat mat ožžot doarjagiid eará doarjjaortnegiin Guovdageainnu suohkanis eai vuoruhuvvo.  
  • Lea gáibádus ahte doarjja luvve ruđa eará sajis. Dábálaččat luvve doarjja ruđa go:  
    • Prošeakta ii čađahuvvo doarjaga haga  
    • Prošeavtta viidodat boahtá leat unnit doarjaga haga, dahje
    • Prošeavtta sáhttá čađahit johtileappo doarjagiin  
  • Almmolaš doarjaga dábálaš práksisa mielde, ii sáhte okta prošeakta oažžut doarjaga jus dat lea álggahuvvon ovdal Guovdageainnu suohkan oažžu ássanmoktaruhta ohcama.  Dát lea dan dihte vuoi vejolaš lasseruhtadangáldot, nu go omd. tihppenruhta/ruhta lagasbirasrusttegii jna sáhttá geavahuvvot dakko gokko lea vejolaš.  
  • Ohccit geat ožžot doarjaga ássanmoktaruđaid bokte fertejit dokumenteret olggosgoluid loahpalaš prošeaktarehketdoalus. Loahpparaporta mas prošeaktarehketdoallu galgá biddjot ovdan suohkanii.

Čáles ohcama ja sádde

Ohcamiidda ássanmoktafondii galgá geavahuvvot standardiserejuvvon ohcanskovvi. (PDF, 194 kB)

Sáddes ohcama e-poasta bokte dahje poasta bokte deike, Guovdageainnu suohkan, Bredbuktnesvn. 6, 9520 Guovdageaidnu.

Lea maid vejolaš geavahit elektrovnnalaš ohcanskovi, lea dás gávdnamis

Ássanmoktafoanddas ii leat makkárge ohcanáigemearri.

Njuolggadusat heivehuvvon olggosčállimii (PDF, 144 kB)

Johan Vasara
Sátnejođiheaddji/Ordfører
E-poasta
Mobiltelefovdna 930 99 520

Čujuhus

Guovdageainnu suohkan, Bredbuktnesvn. 6, 9520 Guovdageaidnu.

Rahpanáigi

Rabasáiggit: mán-bear. 08:45-15:00
Riŋgenáigi: mán-bear. 08:00-15:30
Suohkanviessu