Rahpanáiggit
- Mánnodagaid dii. 12.00-18.00.
- Disdagaid, gaskavahkuid ja duorastagaid dii. 10.00-15.00.
- Bearjadagaid dii. 10.00-14.00.
Na diŋgot girjjiid dehe dávviriid.
- Mana min neahttasiidui ja logge sisa.
- Dasa geavahat iežat e-boastačujuhusa dahje luoikkaheaddjinummára ja pin-koda.
- Oza katalogas dan maid áiggut ja várre.
- Muitte geahččat leago girji dahje dávvir luoikkahuvvon dahje várrejuvvon juo ovdalaččas.
- Jus it muitte mii du luoikkaheaddjinummár dahje pin-koda lea, váldde oktavuođa girjerádjosiin.
- Logge sisa ja geahča kataloga dáppe.
- Jus mis ii leat girji maid áiggut, de diŋgot mii Norgga našunála girjerádjosis. Váldde oktavuođa minguin, nummár 45400933 dahje e-boasta folkebiblioteket@kautokeino.kommune.no
Jus it sáhte diŋgot neahta bokte.
Guovdageainnu álbmotgirjerádjosis gávnnat girjjálašvuođa sáme- ja dárogillii, jietnagirjjiid, CD:aid ja DVD:aid sihke mánáid ja rávisolbmuid váste. Girjjiin, CD:in ja DVD:in lea mánu luoikkahanáigi. Dávviriiguin lea vahkku luoikkahanáigi. Visot lea nuvttá luoikkahit.
Váldde oktavuođa girjerádjosiin jus dárbbašat veahki. Mii sáhttit ordnet girjjiid jus it dieđe makkár girjjiid áiggut lohkat.
Luoikkahuvvon diŋggaid buvttát ruovttoluotta álbmotgirjerádjosii. Girjjiid ja eará unnit diŋggaid sáhtát buktit skráŋkii, guođđit máhcahanluŋkii mii lea girjerádjosa váldouvssas dahje guođđit min boastakássii mii lea Kulturviesu olggobealde. Dávviriid máhcahat girjerádjosa skráŋka bokte, jus eará ii leat šiehtaduvvon.
Dáppe gávnnat min čoakkáldaga.
Girjeáppa
Mis lea BookBites áppa mas sáhtát luoikkahit e- ja jietnagirjjiid.
- Viečča BookBites bibliotek áppa .
- Registrere geavaheaddji iežat e-boastačujuhusain ja bija alccat beassánsáni.
- Bija iežat luoikkaheaddjinummára ja dan pin-koda.
- Váljje Guovdageainnu álbmotgirjerádjosa iežat ruovttugirjerádjosiin. Jus ii leat luoikkaheaddjinummár ovdalaččas, dahje it muitte dan dahje pin-koda, váldde oktavuođa álbmotgirjerádjosiin. Luoikkaheaddjinummára oaččut nuvttá.
- Luoikkat girjjiid.
Vaikko makkár girji
Skuvlaklássat, mánáidgárddit ja eará ásahusat sáhttet luoikkas oažžut girjelána ja šiehtadit man guhká dárbbašit girjjiid, ovdamearkka dihte fáddábargguid oktavuođas. Mii sáhttit maiddái diŋgot girjjiid mat mis eai leat, eará girjerádjosiin. Dat lávejit ádjánit sullii vahkku dan rájes go diŋgot girjji dassážii go lea ollen min lusa.
Luoikkahangoarta
Luoikkahangoartta oaččut mis girjerádjosis, goarta lea du iežat, ja lea du ovddasvástádus mii dainna luoikkahuvvo. Mis lea sihke báikkálaš luoikkahangoarta, mainna luoikkahat dušše mis, ja Nationála luoikkahangoarta maid sáhtát atnit eará girjerádjosiin.
Dáppe diŋgot luoikkahangoartta.
Luoikkahangoarttain lea dus beassanláhkii maid Bookbitesii ja Filmbib rávdnjenbálvalussii. Filmbib.no liŋka.
Ii dušše girjjiid
Girjerádjosis lea vejolašvuohta geavahit dihtora. Dihtorin sáhtát lohkat Ávvir+, Altaposten+ ja Pressreaderis aviissaid ja áigečállágiid. Mis lea sierra tv-latnja gos lea maid playstation 4 maid buohkat sáhttet atnit. Mis leat maid aviissat, magasiinnat, govvaraiddut ja vahkkobláđit.
Dávvirguovddáš
Sáhtát luoikkahit earret eará čuoiganskuovaid, sabehiid ja geavresoppiid, luisttiid, sihkkeliid, lávuid, tealttáid, firpmiid, meahcástanrusttegiid, gitára ja keyboarda. Dávviriin lea vahku luoikkahanáigi. Dávvitkataloga gávnnat dáppe ja katalogas oainnat leatgo dávvirat luoikkahanládje.
Čuovo Guovdageainnu álbmotgirjerádjosa facebookas
Girjebusse
Davviriikalaš girjebusse lea ovttasbargu gaskal Guovdageainnu, Eanodaga ja Muoná suohkaniid. Girjebusses leat sámegielat, dárogielat ja suomagielat dávvirat. Busses sáhtát maid maid luoikkahit girjekássaid, main leat iešguđetlágan girjjit luoikkaheaddji sávaldaga mielde. Girjekássat sáhttet heivehuvvot ovdamearkka dihte ovttaskas olbmui, skuvlaluohkaide ja mánáidgárddiide. Dakkár kássa sáhtát diŋgot dáppe: Diŋgo girjebusses girjekássa.
Luoikkaheapmi lea nuvttá. Girjebusse girjjiid sáhtát maid buktit Guovdageainnu álbmotgirjerádjosii. Girjebusse viežža sin girjjiid doppe.
Áigetávvalat ráhkaduvvojit Muoná girjerádjosis álo jahkái ovddasguvlui. 2024 áigetabealla gávnnat dáppe: Girjebusse áigetávval 2024 (PDF, 99 kB).
Čujuhusat:
Álbmotgirjerájusláhka