Psykologabálvalus

Psykolagabálvalus lea nuvttá álkibeassanfálaldat olles álbmogii, ja erenoamážit mánáide ja nuoraide ja sin bearrašiidda. Psykologas lea kantuvra dearvvašvuođaguovddážis.

Rabasáiggit leat 08:00 – 15:30.

Diŋgo diimmu vaikko sms bokte

Diŋgot diimmu dahje eará jearaldagat, de sáhttá riŋget psykologa mobiilanummáriidda. Sáhtát maiddai diŋgot diimmu SMS bokte. Guovdageainnu suohkanis leat guokte psykologa, ja leaba deaivamis telefovnnanummarin 930 95 123 dahje 405 54 419. Doavttir, dearvvašvuođadivššár, mánáidsuodjalus, PPB dahje skuvla maiddai sáhttá čujuhit olbmuid psykologabálvalussii.

Psykologat veahkehit

Psykologaid bargu lea veahkehit mánáid, nuoraid, bearrašiid ja rávis olbmuid geain leat psyhkalaš váttisvuođat dahje váttis eallindilli. Psykologabálvalus lea nuvttá ja galgá leat álki oažžot doppe veahki (ii galgga dárbbašit vuordit nu guhka).

Manne váldit oktauvođa psykogain?

Psykologain sáhttá váldit oktavuođa jus lea heahti, dárbbaša doarjaga dahje ráđiid juoga man nu dihte, kártet váttisvuođaid ja veahki oažžot daid geažil. Sihke "dábálaš" váttisvuođaid ja duođalaš dahje lossa váttisvuođaid geažil oažžu váldit oktavuođa, ovdamearkka dihte jus lea: Garra ballu, lossa miella, darvánan gárrenmirkkuide dahje alkoholii, jus ieš doaruhuvvo dahje illastuvvo, jus ieš doaruha earáid dahje illasta, jus mánáin leat láhttenváttisvuođat, jus bearrašis leat ollu riiddut ja dikkit, ii loavtte skuvllas dahje barggus, givssideapmi dahje dovdá olgguštuvvon skuvllas dahje barggus, okto, váivves dáhpáhusat leamaš dahje kriisat, moraš, váttisvuođat gaskkal mánáid ja váhnemiid, skuvlajávkan.

Gávdnet go dan maid ozat?
Anne Lene Turi Dimpas
Suohkanpsykologa/kommunepsykolog
E-poasta
Telefovdna 930 95 123
Margrethe Bals Utsi
Suohkanpsykologa/kommunepsykolog
E-poasta
Telefovdna 405 54 419

Rahpanáigi


Rabasáiggit/åpningstider, buot árgabeivviid/alle hverdager, dii/kl. 08:00–15:30