Ollislaš mátkeealáhusplánen

Borgemánu 21. b. 2018, dii. 18:00 lágiduvvo álggahandeaivvadeapmi mátkeealáhusaide Guovdageainnus. Čoahkkimis muitaluvvo proseassa birra mii galgá čađahuvvut mátkeealáhusovdáneami olis. Čoahkkin lea LES-viesus.

Sápmi ealáhusgárdin lea ožžon barggu Guovdageainnu suohkanis álggahit proseassa gos mátkeealáhusovdáneapmi galgá dáhkkot.

Leat go dus jurdagat movt mii Guovdageainnus galgat ovdánahttit mátkeealáhussuorggi? Dál lea vejolašvuohta váldit vuosttaš lávkki dan guvlui ahte systemáhtalaččat ovdánahttit Guovdageainnu dego mátkebáiki. Bures boahtin du jurdagiiguin čoahkkimii.   


Álggahandeaivvadeapmi, čoahkkinbovdehus 1 - Deaddil ja stuora govva ihtá

Gávdnet go dan maid ozat?