Ođđa ealáhusguovlu ásahuvvo fargga

Guovdageainnu suohkan lea suohkanplána márkanplánas várren stuorebuš ealáhusguovllu gosa dán dálvvi galget regulerejuvvot ođđa ealáhustomtat. Guovlu lea lahka márkanguovddáža, bivnnut, ja boahtá leamen hirbmat dehálaš Guovdageainnu ealáhusovdánahttimii čuovvovaš logenarjagi.

KBA 1 - Deaddil ja stuora govva ihtá

Suohkanplánat leat suohkaniid deháleamos bargoreaiddut go lea sáhka láhčimis sadjái tomtaid ja addimis olbmuide ja fitnodagaide huksenvejolašvuođaid. Guovdageainnu ovddeš suohkanplána lei maŋemus mearriduvvon 1991:as, mii lea dagahan ahte suohkan guhka lea rahčan boares plánaiguin mat leat dahkan váttisin olbmuide bidjat prošeavttaid johtui Guovdageainnus - erenoamážiid ealáhusprošeavttaid. Suohkanstivra lea váldán dán váttisvuođa duođalažžan, ja mearridii njukčamánus 2017:is ođđa suohkanplána oktan areálaosiiguin. Ođđa suohkanplána bokte leat dál várrejuvvon ollu ođđa iešguđet guovllut sihke viesso- ja fitnodatásahan plánáid váste.

Okta dáin ođđa guovlluin lea KBA1 nammásaš ealáhus- ja viessohuksenguovlu Circle K ja Pitstop buohta (nuppebeal E45). Guovlu lea stuoris, 213 mihtu, ja boahtá leamen hirbmat dehálaš Guovdageainnu ealáhusovdánahttimii čuovvovaš logenarjagi. Regulerenplánabargu, mas guovllu geavaheapmi ja infrastruktuvra galgá čielggaduvvot lagabui, biddjo dán skápma johtui. Mihttun lea ahte guovlu galgá leamen gearggus vuosttaš fitnodatásahemiide 2019 bievlla.

Mii bovdet dál juo fitnodatálggaheddjiid čájehit beroštumii guvlui, ja fuomášuhttit ahte davábeal dán guovllu, lea juo Stáda Geaidnodoaimmahaga bealis mearriduvvon ásahit bistevaš jánddurbisananbáikki oktan servicevisttiin guorbmebiilaealáhussii. Dán olis lea "vuosttaš lávki" fitnodatásaheddjiide juo váldon, mii diehttelasat dahka guoski KBA1-guovllu bivnnuhin viidáseappo fitnodatásahemiide.

Namuhanveara dán oktavuođas lea maiddái ahte suohkanis ovdalaččaš leat gárvvisin regulerejuvvon industriijatomtat Hánnomaras industriijaguovllus, mii lea badjel 60 mihtu stuoru. Guovdageainnu suohkan háliida leamen geasuheaddjin fitnodagaide, ja lea mearridan industriijatomtaid nuvttá álggaheddjiide, dan hámis ahte tomtagolut refunderejuvvojit fitnodagaide maŋŋel go gárvvesatteasta lea sajis. Eambbo dieđuid dán birra oaččut suohkana servicekontuvrras.

Hánnomaras industrifelt - Deaddil ja stuora govva ihtáHánnomaras industrifelt

Gávdnet go dan maid ozat?
Johan Vasara
Sátnejođiheaddji/Ordfører
E-poasta
Mobiltelefovdna 930 99 520
Sindre Murud
Suohkanjođiheaddji/Kommunalleder
E-poasta
Telefovdna 948 23 699

Teknihkkalaš ovttadat/Teknisk enhet

Servicetorg Bálvaleapmi
Telefovdna 78 48 71 00