Gulaskuddan vejolaš govdafierpmádat huksema oktavuođas

Guovdageainnus suohkan bargá dan ovdii ahte oažžut doarjaga huksejuvvot govdafierpmádaga daidda guovlluide gos ii leat dohkálaš fálaldat odne. Stuoradiggi lea 2018is juolludan ru 6,46 mill. buoridit govdafierpmádatfálaldaga Finnmárkkus. 

Ordnet galgá veahkehit ahte buot viesut Norggas galget oažžut vuđolaš govdafierpmádatfálaldaga mas buorre kvalitehta. Doarjjaortnet galgá ruhtadit osiid govdafierpmádathuksemis guovlluin gos kommersiála aktevrrat ieža eai hukse doarjaga haga.

Doarjja vuoruhuvvo dáid eavttuid vuođul:

  1. Man ollu viesut ožžot govdafierpmádaga mas vuđolaš buorre fálaldat (deattuhuvvo 30%)
  2. Gollobeaktilis huksen eaŋkilis prošeavttas (deattuhuvvo 25%)
  3. Báikkálaš mielruhtadeapmi (deattuhuvvo 20%)
  4. Plána movt oažžut gánnáhahttivuođa go huksen lea dáhkkon (deattuhuvvo 15%)
  5. Buorideapmi dálá govdafierpmádatfálaldagas (deattuhuvvo 5%)
  6. Maid dát mearkkaša báikkálaš servvodatovdáneapmái, árvoháhkamii ja man geasuheaddji šaddá dáid guovllu olbmuide, ealáhusaide ja gussiide (deattuhuvvo 5%)

Ovdagoddi lea mearridan čuovvovaš vuoruheami makkár guovlluide galgat ohcat doarjaga.

  1. Siebe – Áidejávri
  2. Guhkesluokta
  3. Láhppoluoppal
  4. Soahtefielbmá
  5. Nedre Mieron
  6. Šuošjávri
  7. Suolovuopmi
  8. Goaskinnjavvi
  9. Čuonovuohppi
  10. Gárggoluoppal
  11. Čuđejohka

Eambbo dieđut doarjjaortnega birra gávnnat dáppe 

Gulaskuddanáigemearri: suoidnemánu 30.b. 2018 dii.: 12:00 

Cealkámuša sáhtát buktit bálvaluskantuvrii dahje sáddet e-boasta bokte.  

Nettverkskabel 1 - Deaddil ja stuora govva ihtá

Gávdnet go dan maid ozat?