Diehtu suohkana divadiid birra, earenoamážit opmodatvearru

Váiddaáššit mat gusket opmoverrui eai leat válbmasin meannuduvvot, ja  dat buktá hástalusaid go sáddet rehkegiid suohkana divadiid ovddas, earenoamážit opmodatvearu.

Suohkanis ii leat leamaš kapasitehta ja gelbbolašvuohta meannudit buot váidagiid mat leat boahtán čálihuvvon opmodatvearu oktavuođas. Dat lea dagahan ahte váidagat eai leat meannuduvvon válmmasin, ja sii geat leat váidán ožžot ain rehkegiid gos opmodatvearru rehkenasto álgoálgosašvuođus. Čilgehus manin rehket sáddejuvvo álgoálgosaš vuođuin lea go opmodatvearrolágas (§25) dadjo ahte opmodatvearru galgá máksot daid supmiiguin mat álggos lea mearriduvvon, vaikko vel lea váidda sáddejuvvon. Suohkan šálloša daid bárttiid njoazes áššemeannudeapmi lea addán suohkana ássiide ja earáide geain leat eatnamat suohkanis. Čoavdin dihte dán de boahtá suohkan vuoruhit áššemeannudit váidagiid dán čavčča ja mihttu lea válbmet buot váiddaáššiid ovdal nuppe háve go sáddet rehkegiid juovlamánus 2018.

Gávdnet go dan maid ozat?