Čális dal! - čállingilvu nuoraide

Deaddil ja stuora govva ihtá

Čális dal! - čállingilvu lea 12 – 17 jahkásaččaide. Čále davvisámegillii duohta dahje hutkojuvvon muitalusa. Fáddán lea “Nuorran Sámis dahje eará eamiálbmot guovlluin”.

1. vuoitun 1 500,-

2. vuoitun 1 000,-

3. vuoitun 500,-

Dasa lassin vuorbáduvvo buot oassálastiid gaskkas ipad (3900,-), maid Ávvir lea bidjan vuoitun gilvui.

Sádde čállosa sihke pdf.hámis ja word.hámis e-poasta čujuhussii giellaguovddas@kautokeino.kommune.no maŋemusat 15.04.2019. Čále dasa iežat nama ja agi.

Vuoitočálus almmuhuvvo Ávviris – du namain dahje du nama haga. Buot golbma čállosa almmuhuvvojit Guovdageainnu suohkana facebook siiddus ja Giellagiisá, Kulturskuvlla ja Álbmotgirjerádjosa facebook siidduin.

Njuolggadusat čállingilvui:

  • Čállingilvu lea 12. – 17. jahkásaččaide
  • Čállingiella lea davvisámegiella
  • Čále gaskal 2 – 5 siiddu.
  • Ávžžuhuvvo čállit Times new roman fonttain, sturrodat 12.
  • Čále duohta dahje hutkojuvvon muitalusa
  • Fuomáš ahte oanádusat eai dohkkehuvvo!

Čállosiid almmuheapmi:

  • Čállosa oamasteaddji lea čálli, muhto gilvvu lágideaddjit ožžot almmuhit čállosa gilvvu oktavuođas Ávvira báberaviissas ja neahttasiiddus, Guovdageainnu suohkana neahttasiiddus ja facebook siiddus ja Giellagiissá, Kulturskuvlla ja Álbmotgirjerádjosa facebook siidduin.
  • Čálli sáhttá maiddái dáhttut ahte čálus almmuhuvv čálli nama haga.
  • Čállosiid čállinmeattáhusat divvojuvvojit ovdalgo almmuhuvvojit.

 

Čállosat válljejuvvojit jury bokte, dan vuođul mo teaksta ollislaččat nákce addit lohkkiide buriid vásáhusaid. Čálliid namat eai almmuhuvvo juryi.

Gávdnet go dan maid ozat?
Sanna Vuomajoki
Kulturskuvllajođiheaddji/kulturskoleleder
E-poasta
Telefovdna 922 87 543