Girječálli Kathrine Nedrejord galleda girjerádjosa

gaskavahkku 13. skábmamánnu 2019, 19.00 - 20.30

Diehtojuohkin

Kathrine Nedrejord lea girječálli ja dramatihkar geas lea sámi duogáš. Vaikko ieš ii huma sámegiela, de leat sus čielgá oaivilat dasa movt lea leat sámi girječálli. Nedrejord ii bala hupmamis váttis áššiid birra, nugo veahkaváldimiid birra.

Nedrejord áigu hupmat iežas maŋemuš almmuhemiid birra, erenoamážit «Forvandlinga» romána birra mainna vuittii 2019 Havmann-bálkkašumi. Romána govvida áiggi maŋŋel veagalváldima ja movt dakkár ilgadis dahku váikkuha goruda ja miellalági, ja movt beassá fas julggiid ala.

Son ovdanbuktá maid iežas guokte maŋemus nuoraidromána. Goappaš románain leat dáhpáhusat biddjon Finnmárkui. «Slepp meg», mii dáhpáhuvvá Deanus lea sámi identitehta, iežas saji máilmmis gávdnama ja heajos olmmáivuođa birra. Romána nominerejuvvui Uprisen bálkkašupmái, ja lea maid válljejuvvon Norggas Ibby Honourlist mas leat máilmmi buoremus mánáid- ja nuoraidgirjjit jagis 2020.

«Det Sara skjuler» almmuhii son borgemánus dán jagi. Girjji dáhpáhusat leat Kárášjohkii biddjon ja váldá ovdán movt lea leat oapmahaš muhttimii gii seksuálalaččat veagalváldojuvvo. Lajla gii áigu mávssahit iežas olbmá ovddas, ahte ii muitte šat eallit iežas eallima.

Báiki

Guovdageainnu álbmotgirjerájus
 

Váldde oktavuoda

Guovdageainnu suohkan, Finnmárkku fylkagirjerájus ja Bokåret 2019
 

Lasit dáhpáhusa iežat kaleandarii