Bovdehus rabas bargobádjái: Europan 15

gaskavahkku 16. ođđajagemánnu 2019, 18.00 - 20.00

Diehtojuohkin

Guovdageainnu suohkan lea searvame Europan 15 mii lea rabas riikkaidgaskasaš jurddagilvu nuorra arkiteavttaide, urbánisttaide ja eanadatarkiteavttaide Europas. Dán oktavuođas bovdet árjjalaš suohkanássiid bargobádjái Báktehárjjikáfeas 16.01.2019, dii. 18:00-20:00. Mii guossuhit gáfe ja veaha eará herskuid

Duogáš:

Guovdageainnu suohkan lea searvame Europan 15 mii lea rabas riikkaidgaskasaš jurddagilvu nuorra arkiteavttaide, urbánisttaide ja eanadatarkiteavttaide Europas. Gilvvu fáddá lea dat produktiivvalaš gávpot/searvegoddi. Gilvui hábmejuvvo prográmma mii lea vuođđun sidjiide geat galget servet dása. Prográmma galgá čilget gilvaleddjiide makkár hástalusaid ja bargguid sii galget čoavdit Guovdageainnus, ja eavttut gilvui. Dán oktavuođas bovde Guovdageainnu suohkan ja Europan Norga din bargobádjái gos aktevrrat produktiiva ealáhusain, kreatiiva ealáhusain, akademalaš birrasiin ja muđui dii geat beroštehpet servvodagas buktet iežaset oaiviliid prográmmii. Ovttas mii hábmet buori vuođu dán stuora gilvui mii Europan lea. Europan norgga čállingoddi ovttas Guovdageainnu suohkaniin dat čállá dán gilvoprográmma. Finnmárkku fylkkasuohkan ja Sámediggi leat ekonomalaččat dorjon min oasálastima Europan 15 gilvvus.

 

Gilvovuođđu

Guovdageainnu suohkan bivdá buriid jurdagiid movt min márkan sáhttá ovdánahttojuvvot. Mihttu lea háhkat bistevaš márkanstruktuvrra gos gávppit, kultureallin, skuvla ja viessohuksen lea oassin sámi kultuvrras ja lagasvuođas lundui. Suohkan áigu loktet ođđa jurdagiid boahtteáiggi doaimmaide ja teknologiijai. Váldoulbmil lea fuomášit ođđa vejolašvuođaid movt šaddat eambbo produktiiva ja ásahit produktiiva fierpmádagaid máŋgga dásis servvodagas. Dát mearkkaša ahte sihke guovllut ja vejolaš sisdoallu/prošeavttat galget čuvgejuvvot dán bargobájis.

 

Prográmmahápmejumi fokus:

Eksohtalaš ja mearálaš – Guovdageainnu gilvoprográmma galgá govvidit báikki ja olbmuid geat orrot dáppe dainna lágiin ahte sii geat oasálastet gilvvus galget oažžut daid rievttes dieđuid vuoi sáhttet buktit áššáiguoskevaš čovdosiid hástalusaide. Mii lea “Guovdageainnu way of life“? Seammás ferte gilvu leahkit geasuheaddji ja čielggas arkiteavttaide geat servet dása. Dát šaddá fáddán bargobájis.

 

Dieđiheapmi ovdal 15.01.2019, sáddes e-boastta Nils Runar Hætta

 

Báiki

Báktehárjikaféen
 

Váldde oktavuoda

Guovdageainnu suohkan/Kautokeino kommune
 

Nils Runar Hætta
Lasit dáhpáhusa iežat kaleandarii