Fuomášuhttinčoahkkin Máilmmiárbbi Struve meridiánadávggi birra

gaskavahkku 23. ođđajagemánnu 2019, 15.00 - 17.30

Diehtojuohkin

Bures boahtin fuomášuhttinčoahkkimii 23.01.2019.

Diibmu 15.00 – 17.30 Guovdageainnu kulturviesus

Eaŋkil guossoheapmi

Jagiid 1816 – 1855 jođihii Georg Wilhelm Von Struve barggu mihtidit máilmmi hámi ja sturrodaga. Mihtideamit čađahuvvojedje dan láhkái ahte ráhkaduvvojedje golmmačiegagat ráidolaga meridiána mielde Ismailas Čáhppesmeara rájes lulde gitta Fuglenessii Hámmárfeasttas davvin.

Mihtidanbarggut Norggas dáhpáhuvve áigodagas 1845 – 1850 Hámmárfeastta rájes suomaráji duohkai. Jagi 2005 bođii Struve meridiánadávgi UNESCO máilmmiárbelistui. Finnmárkkus válljejuvvo njeallje čuoggá grádamihtidanráiddus ja viidánanneahtas. Dát leat meridiánabázzi Hámmárfeasttas, Unna Raipas, Luvddiidčohkka ja Muvravárri.

Dál háliidit mii eambbo fokusa min erenoamáš máilmmiárbái. Mii háliidit ahte olbmot galget oažžut eambbo máhtu Struve meridiánadávggi birra, ja mii áigut ahte dát máilmmiárbi presenterejuvvo skuvlamánáide, nuoraide, historjáberošteddjiide, báikkálašolbmuide, tuvravázziide ja turisttaide. Mii dárbbahit buriid cealkámušaid dán bargui ja cealkámušat galget šaddat oktasaš gaskkustanplánan Struvečuoggáide Norggas. Mii leat juo čađahan fuomášuhttinčoahkkimiid Álttás ja Hámmárfeasttas ja mii háliidit cealkámušaid maiddai Guovdageainnus, mas leat guokte čuoggá UNESCO máilmmiárbelisttus. Mii sávvat ahte oallugat bohtet.      

Dieđiheapmi ovdal 15.01.2019, sáddes e-boastta Karen Proksi: karen.proksi@kautokeino.kommune.no 

Báiki

Kulturviessu/Kulturhus
 

Váldde oktavuoda

Guovdageainnu suohkan/Kautokeino kommune
 

Lasit dáhpáhusa iežat kaleandarii