Rabas virgi

Guovdageainnu suohkanis lea rabas ekonomiijahoavdavirgi. Ohcanáigemearri lea 29.10.2015.

 

Guovdageainnu suohkanis lea čuovvovaš virgi rabas:

EKONOMIIJAHOAVDA

Ekonomiijahoavddas lea guovddáš rolla suohkana ekonomiijastivremis. Ekonomiijahoavdda bargguin lea ráhkadit suohkana bušeahta ja rehketdoalu, ja eará raporttaid ja plánaid ovttasráđiid suohkana jođihangottiin. Virgi lea hálddatlaččat bargoveaga jođiheaddji vuolde.

 

Eará barggut leat earret eará:

  • Ráhkadit strategalaš jođihandieđuid ja analysaid, dás:
  • Ekonomalaš analysat mat čujuhit bajit doaibmabijuide oláhandihte bušeahttamihtuid
  • Ráhkadit analysaid mat čujuhit konkrehta rievdademiide, máid ferte čađahit, nu ahte bušeahttamearrádusain galgá leat geavatlaš ekonomalaš boađus 
  • Bušeahta áigodahttin ja prognosaid ráhkadeapmi
  • Meroštallat bohtosiid beaktilastindoaibmabijuin
  • Ovdánahttit analysaid buohcanjávkamii ja dan ekonomalaš golut
  • Ráhkadit bajilgova láhkageatnegahtton ja ii-láhkageatnegahtton bargguid ektui suohkanis
  • Ovdanbuktit diehtovuođu mearrádusaide ja dieđuid kvalitehttasihkkarastin
  • Ovdánahttit ja ođasmahttit ekonomalaš rutiinnaid suohkanis
  • Dárkkistanbarggut
  • Ovdanbuktit beaktilastin- ja seastindoaibmabijuid evttohusaid ja leat fárus čađaheamis
  • Árvvoštallat ja ovdánahttit bušeahttabarggu suohkanis
  • Ráhkadit reaiddu mii sihkkarastá buori čuovvoleami ja čađaheami politihkkalaš mearrádusaid ektui

 

Sávvojuvvon gelbbolašvuohta:                       

  • Ekonomiijaoahppu masterdásis
  • Jođihanhárjáneapmi
  • Heivvolaš bargohárjáneapmi suohkanlaš dahje eará almmolaš doaimmas
  • Analytalaš máhttu
  • Čovdosiid guvlui bargat
  • Ovttasbarggolaš
  • Buorre máhttu sámegielas ja dárogielas
  • Máhttá čállit ja muitalit nu ahte maiddai sii geat eai leat ekonomat ipmirdit
  • Retoralaš máhttu

 

Persovnnalaš heivvolašvuohta deattuhuvvo. Bálká šiehtadusaid mielde. Miellahttovuohta buori penšunortnegis. 

 

Ohcanáigemearri: 29.10.2015.

 

Ohcan oktan bargo- ja oahppoduođaštusaiguin sáddejuvvo:

Guovdageainnu suohkan, Bredbuktnesveien 6, 9520 Kautokeino

Eambbo dieđuid virggi birra addá ráđđeolmmái Kent Valio telefovnnas 78 48 71 03 dahje mobiltelefovnnas 97773540.