Rabas virgi

Guovdageainnu suohkanis lea rabas 50 % BPA virgi

 

50 % virgi geavaheaddji persovnnalaš assisteantan (BPA)

 

Hei!

Háliidivččet go bargat mu persovnnalaš assisteantan?

Mun ja mu eadni ja áhčči dárbbašit du veahki, ja almmuhit 50 % virggi geavaheaddji persovnnalaš assisteantan. Mus lea juo okta persovnnalaš assisteanta, ja dat de mearkkaša ahte guokte olbmo galget bargat ovttas, ja muhtin barggut leat:

  • veahkehit mu beasset eambbo leat eará sajis go ruovttus
  • vuolgit mu mielde leat eará mánáiguin fárrolaga
  • helpet mu váhnemiid maŋŋelgaskabeaivve ja vahkkoloahpaid
  • leat muinna fárrolaga daid beivviid go in leat skuvllas

 

Veahá mu birra:

Mun lean 6-jahkásaš nieiddaš, deavddán čieža jagi čakčamánu, ja mus lea Dravets-syndrom. Dan dihte go mus leat Dravets-syndrom, de lea mus kromosomarievdadus mii goazaha mu ovdáneami. In leat vuos oahppan vázzit, mus ii leat njálmmálaš giella. Mun muitalan máid áiggun ja movt dovddan gorutgielain ja čálmmiiguin, ja mus lea sierra hárjehallanprográmma man čuovun. Mus lea maiddai epilepsiija, ja dárbbašan dan dihte álo rávisolbmo iežan luhtte. Dan dihte leage dehálaš ahte mus leat persovnnalaš assisteantta čađat mu luhtte. Mun in sáhte borrat ieš, ja mus lea boallu čoavjjis, gokko buot dat biebmu man galggan borran biddjo njuolga čoavjái. Muđui lean hui siivos ja jaskes nieiddaš, ja váidalan dušše jus mus lea bávččas dahje dovddan unohisvuođa.

 

Jus leat olmmoš gii liikot mánáiguin bargat, ja sáhtát bargat maŋŋelgaskabeivviid/eahkediid ja muhtin vahkkoloahpaid (sullii 1 vahkkoloahpa mánus), de ávžžuhit du ohcat bargui. Ovttas ráhkadit bargoplána mii lea buorrin sihke midjiide ja dutnje/dudnuide.

 

BPA bargi virgáibidjá Guovdageainnu suohkan, dearvvašvuođa- ja fuolahusa ovttadat. Virgáibidjamat suohkanis leat daid bálká- ja bargoeavttuid vuođul mat leat dálá lágain, njuolggadusain ja tariffašiehtadusain.

 

Virgáibidjama oktavuođas galgá addit dohkálaš politiijaduođaštusa, vrd. HOL § 5-4 Virggit dearvvašvuođa/fuolahusa suorggis.

 

Eanet dieđuid virggiid birra sáhttá oažžut go váldá oktavuođa ovttadatjođiheddjiin Sara Kristine Loso, tlf 78 48 71 90.

 

Ohcanáigemearri 10.07.2015

 

Ohcama sádde:

Guovdageainnu suohkan, dearvvašvuođa ja fuolahus ovttadat

Brdbuktnesveien 6

9520 Kautokeino