TV-ákšuvdna 2016

Dán mánu, nu movt juohke jagi, lea TV-ákšuvdna. Dán jagi manná čoggojuvvon ruhta Rukses Russii, ja ruđaiguin galget doaimmahit prošeavttaid ovcci riikkas gos álbmot lea gillán sođiid ja riidduid dihte.

pant2.jpg
pant2.jpg

 

Guovdageainnu suohkana bargojoavku TV-ákšuvnna olis lea hutkan iešguhtetlágan doaimmaid čálmmustahttit ákšuvnna, ja maiddai doaimmat maiguin čohkke ruđa ákšuvdnii.

Mis lea juo okta doaibma jođus. Atte bohttaliid ja stobiid main lea bántamearka TV-ákšuvdnii!

Dát lea ovttasbargu gaskal OAFIR SGO ja Guovdageainnu suohkana TV-ákšuvnna suohkanlávdegotti. Mii leat oaidnán ahte olbmot bálkot metállastobiid dan sadjái go bántet daid. Dan dihte mii geahččalit bidjat sierra lihtiid Rema 1000 lusa ja Cirkle K lusa, gos leat dat láse- ja metallakonteinerat maidda olbmot bálkot metallstobiid ja lásebohttaliid.

Dát sierra lihtiid leat gal merkejuvvon suoma bántta váras, muhto mii ávžžuhit álbmoga addit TV-ákšuvdnii buot bántenveara bohttaliid ja stobiid, dan sadjái go bálkestit ruskalihttái.

Doarjjo TV-ákšuvnna 2016, doarjjo min birrasa ja luonddu!