Suohkana ealáhusfoanda

Suohkana ealáhusfoanddas lea vejolašvuohta ohcat ruđa

regional_forvaltning_3.png
regional_forvaltning_3.png

Innovatiiva jurdagat

Leat go dus jurdagat álggahit fitnodaga? Lea go dus jurdda buktagii dahje bálvalussii mii lea ođas du márkanii? Jáhkát go ahte dasa gávdno márkan? De berret áinnas geahččalit dahkat juoidá du jurdagiiguin. Jearaldagat leat diehttelas máŋga.

Guovdageainnu suohkana ealáhusfoanddas lea vejolašvuohta ohcat doarjaga jus jo leat ealáhusaktevra Guovdageainnus dahje jus áiggut ásahit fitnodaga Guovdageidnui. Ulbmil dáinna lea ovdánahttit máŋggabealálaš ja gilvovuoimmálaš ealáhusdoaimmaid suohkanis. Doarjja gitta ru 200 000,- sáhttá addot álgoiskkademiide, ovdaprošeavttaide ja nu gohčoduvvon bagatellmessig doarjagii. Mis lea maid vejolašvuohta doarjut prošeavttaid gos márkanastit Guovdageainnu lea guovddážis.

Maná neahttabáikái www.regionalforvaltning.no, ráhkat geavaheaddji dohko, ráhkat ođđa ohcamuša, vállje Guovdageainnu suohkana ja deavdde iežat buriid jurdagiid gárvves skoviide. Ja muitte vel deaddilastit sádde loahpas. Dás ii leat ohcanáigemearri, muhto vásáhusat čájehit ahte lea buoremus álggus jagi sáddet ohcamuša go ii leat váikko man ollu ruđa birra sáhka.