Rabas virgi

Guovdageainnu suohkan almmuha rabas ossodatjođiheaddjivirggi dearvvašvuođa ossodagas. Ohcanáigemearri lea guovvamánu 21. beaivi 2016.

 

Dearvvašvuođa ossodagas lea rabas ossodatjođiheaddji virgi, ja álgin lea farggamusat. Dearvvašvuođa ossodagas lea buhcciidruoktu, gievkkan, doaktárat, dearvvašvuođastášuvdna, jortamovra, fysioterapiija ja psykiatriijabálvalusa. Ossodatjođiheaddjis lea ekonomiija- ja personálaovddasvástádus iežas ossodagas.  

Mii ohcat olbmo: 

  • gii háliida fállat suohkana álbmogii daid buoremus vejolaš dearvvašvuođabálvalusaid
  • gii ipmirda ahte bálvalusat galget fállojuvvot mearriduvovn ekonomalaš rámmaid siskkobealde 
  • gii ipmirda ahte bargit, geat leat barggus ja liikojit bargat, lea eaktun dasa ahte bálvalus šaddá buorre
  • gii háliida lutket čuolmma ja gávdnat čovdosa buori bargobirrasii, unnán buohcanjávkamii ja buori ekonomiijastivremii 
  • geas lea heivvolaš alla oahppu
  • geas lea jođiheaddjihárjáneapmi 
  • geas lea gálgga jurddašit ođđa jurdagiid
  • gii bargá bohtosiid guvlui ja lea čeahppi dahkat mearrádusaid 
  • gii bures gulahallá ja máhttá ovttasbargat
  • gii máhttá fuomášuhttit ja movttiidahttit 
  • gii berošta das ahte olbmot loktet barggus
  • gii máhttá sámegiela dahje geas lea mokta oahppat davvisámegiela

 

Deattuhit hárjáneami, persovnnalaš heivvolašvuođa ja ovttasbargogálgga.

 

Guovdageainnu suohkan lea guovttegielat suohkan. Ohcciid sámegielmáhttu lea mearrideaddjin go minddar lea dohkálaš gelbbolašvuohta.

Suohkanis dahkko virgáibidjan bálká- ja bargoeavttuid vuođul mat leat dálá lágain, njuolggadusain ja tariffašiehtadusain. Miellahttovuohta buori penšunortnegis.

 

Ohcanáigemearri: 21.02.2016

 

Ohcan oktan CV ja oahppo- ja bargoduođaštusaiguin sáddejuvvo:

Guovdageainnu suohkan, Bredbuktnesveien 6    9520 Kautokeino

Eambbo dieđuid virggi birra sáhttet addit ossodatjođiheaddji Anna Kristine Sokki Bongo, telefon 78 48 72 70, dahje ráđđeolmmái Kent Valio, telefon 78 48 71 03.