Rabas virgi

Guovdageainnu suohkanis lea rabas virgi dearvvašvuođa ossodaga jođiheaddjin

 

Jođiheaddjijoavkuus dearvvašvuođa ja fuolahhusa ovttadagas lea ovttadatjođiheaddji ja 3 ossodatjođiheaddji. 

Ossodatjođiheaddji virgi dearvvašvuođa ossodagas lea rabas ja álgin lea farggamusat.  

Dearvvašvuođa ossodagas lea buhcciidruoktu, gievkkan, doaktárat, dearvvašvuođastášuvdna, jortamovra, fysioterapiija ja psykiatriija.  

 

Ossodatjođiheaddji lea njuolga ovttadatjođiheaddji vuolde. Ossodatjođiheaddjis lea ekonomiija- ja personálaovddasvástádus iežas ossodagas.  

 

Mii ohcat olbmo:

  • geas lea heivvolaš alit oahppu
  • geas lea jođihanhárjáneapmi
  • geas lea gálgga jurddašit ođđa jurdagiid
  • gii háliida bohtosiid ja máhttá váldit mearrádusaid
  • geas leat buorit gulahallangálggat ja lea čeahpes joavkolahttu.  
  • geas lea gálgga fuomášuhttit ja movttiidahttit  

Deattuhit hárjáneami, persovnnalaš heivvolašvuođa ja ovttasbargogálgga.

 

Guovdageainnu suohkan lea guovttegielat suohkan. Go ohcciid oahppu lea dássálaga dahje sullii ovtta dásis, de válljet ohcciid geat máhttet sihke sámegiela ja dárogiela.

 

Suohkanis dahkko virgáibidjan bálká- ja bargoeavttuid vuođul mat leat dálá lágain, njuolggadusain ja tariffašiehtadusain. Miellahttovuohta buori penšunortnegis. Finnmárkkus lea vearrogeahpádus ja oahppoloana vulosčáliheapmi. Fárrengoluid gokčat suohkana fárrennnjuolggadusa mielde. Viessodárbbu dáhttut almmuhit ohcamis.

 

Ohcan oktan CV ja oahppo- ja bargoduođaštusaiguin sáddejuvvo:

Guovdageainnu suohkan, Bredbuktnesveien 6, 9520 Kautokeino

 

Ohcanáigemearri: 15.05.2015 

 

Eambbo dieđuid virggi birra addá dearvvašvuođa- ja fuolahusa ovttadatjođiheaddji Sara-Kristine Loso tlf  78 48 71 90 dahje ossodatjođiheaddji Anna Kristine Sokki Bongo tlf 78 48 72 70.