Rabas virgi

Guovdageainnu suohkanis lea rabas virgi - erenoamášpedagoga/logopeda

 

ERENOAMÁŠPEDAGOGA/LOGOPEDA  

Čuovvovaš virgi lea rabas Guovdageainnu suohkana PP bálvalusas:

  • 100% fásta virgi erenoamášpedagogan/logopedan, álgin lea farggamusat.   

Virgái gáibiduvvo oahppu erenoamášpedagogihkas ja heivvolaš joatkkaoahppu, vejolaš master. Son ferte sáhttit bargat systemahtalaččat plánemiin, čađahemiin ja čuovvolemiin mánáid/nuoraid hárrái geain leat erenoamášpedagogalaš dárbbut. Earát geain lea heivvolaš oahppu ávžžuhuvvojit maiddai ohcat.  

Guovdageainnu suohkan lea guovttegielat suohkan. Sámegielmáhttu eaktuduvvo.

Suohkanis dahkko virgáibidjan bálká- ja bargoeavttuid vuođul mat leat dálá lágain, njuolggadusain ja tariffašiehtadusain. Miellahttovuohta buori penšunortnegis.

Finnmárkkus lea vearrogeahpádus ja oahppoloana vuolideapmi. Fárrengoluid gokčat suohkana fárrennjuolggadusa mielde.

Virgáibidjámis galgá buktit dohkkehuvvon politiijaduođaštusa, vrd oahpl. § 10-9,  

Ohcanáigemearri: miessemánu 15. beaivi 2015.

Ohcan oktan CV ja oahppo- ja bargoduođaštusaiguin sáddejuvvo:

Guovdageainnu suohkan, Bredbuktnesveien 6, 9520 Kautokeino

Eambbo dieđuid virggi birra addá ovttadatjođiheaddji Bodil Utsi Vars, tlf. 78 48 71 05