Rabas virgi

Guovdageainnu suohkanis lea rabas doaibma NAV-bagadeaddjin suoidnemánu 2017 rádjái

 

Rabas doaibma NAV-bagadeaddjin

Guovdageainnu suohkanis lea rabas 100% doaibma NAV-bagadeaddjin Sámi Joatkkaskuvllas ja boazodoalloskuvllas, álgin lea farggamusat ja bistá olggos suoidnemánu 2017, Stuoradikki jahkásaš bušeahttameannudeami eavttuin.

NAV-bagadeaddji galgá guokte beaivvi vahkus bargat Sámi Joatkkaskuvllas ja boazodoalloskuvllas, ja golbma beaivvi galgá bargat oassin nuoraid-teamas NAV Guovdageainnus.

Bagadeaddji lea NAV bargi, ja NAV-jođiheaddji lea lagamus hoavda, muhto joatkkaskuvlla rektoris lea váldi bidjat bagadeaddji bargat ávkkáleamos vuogi mielde skuvllas.

Barggut virggis:

  • Ovdánahttit heivehuvvon ja ovttaiduvvon bálvalusaid ja doaibmabijuid NAV bealis ohppiide joatkkaoahpus. 
  • Čuovvolit “Ođđa MOKTA-nuoraid” go leat bargohárjehallamis
  • Čuovvolit nuoraid áiggis gaskal joatkkaoahpu ja bargoeallima
  • Ovdánahttit buori ovttasbarggu gaskal NAV ja joatkkaskuvlla ulbmiljoavkkuid nuoraid dáfus 

Várašupmi: Bargo- ja ovddasvástádussuorgi sáhttá rievdat ja ohcci ferte rehkenastit leat geabbil eará bargguid ektui prošeavttas. 

Čuovvovaš gelbbolašvuohta lea sávahahtti:

  • Heivvolaš alit oahppu universitehtas dahje allaskuvllas  
  • Buorre čálalaš ja njálmmalaš giellamáhttu, sihke sámegielas ja dárogielas 
  • Máhttu sámi kultuvrras ja sámi servodatdilis 
  • Dovdat NAV-vuogádaga ja bargoeallima  
  • Buori ovttasbargo- ja gulahallangálggat
  • Jođan oahppat fágavuogádagaid ja IKT-reaidduid geavaheami

Suohkanis dahkko virgáibidjan bálká- ja bargoeavttuid vuođul mat leat dálá lágain, njuolggadusain ja tariffašiehtadusain. Miellahttovuohta buori penšunortnegis.

Ohcanáigemearri: miessemánu 15. beaivi 2015

Ohcan oktan CV ja oahppo- ja bargoduođaštusaiguin sáddejuvvo:

Guovdageainnu suohkan
Bredbuktnesveien 6
9520 Kautokeino

Eambbo dieđuid virggi birra sáhttá NAV jođiheaddji Kent Ailo Hætta addit, tlf. 906 65 176 dahje rektor Ellen Inga O. Hætta. Tlf. 901 02 055