Rabas virgi

Gielddaidgaskasaš borasdávdakoordináhtor Borasdávdasearvi ja Sámediggi leaba juolludan gaskaomiid 3-jagi gielddaidgaskasaš borasdávdakoordináhtora doaibmavirgái Kárášjoga, Guovdageainnu, Porsáŋggu ja Unjárgga gielddaide.

Virggi ulbmil:

Bálvalus galgá veahkehit dásseárvosaš dearvvasvuođabálvalusa lassáneaddji divššohasjovkui, divššohasaide ja bearrašiidda, geat gillájit borasdávddain.

Borasdávdakoordináhtora bargun lea koordineret árgabeaivvi láhčima borasdávdabuhcciide ja oapmahaččaide buoremusat vejolaččat, oktiiordnet fálaldagaid ja bálvalusaid borasdávdadivššohasaide gielddas ja veahkehit ráhkadit buriid rutiinnaid ja vuogádagaid gielddaid borasdávdafuolahussii. 

Sámegielat borasdávdakoordináhtor dahká divššohasaide ja oapmahaččaide vejolažžan háleštit eatnigillii, ja dasto addit buoret eavttuid buorre čuovvoleapmái gáibidahkes eallindilis,

 

Barggut:

  • Addit ráđiid ja oahpistit diagnosa, divššu, veajuiduhttima, palliašuvnna ja fuolahusa birra eallima loahpas.
  • Leat oidnosis ja juvssahahtti borasdávdabuhcciide ja sin oapmahaččaide
  • Geavahit sámegiela aktiivvalaččat deaivvadettiin sámi divššohasaiguin.
  • Doallat čalbmosa áššáigullevaš fálaldagain ja bálvalusain gielddain
  • Dieđuid juohkit, logaldallat ja oahpistit gielddaid áššáigullevaš ásahusaid ja ovttasbargoguimmiid
  • Dahkat virggi dovddusin gielddaide ja spesialistadearvvasvuođabálvalussii, vai borasdávdabuohccit ja divššohasat, geat dárbbašit geahpedusa, oapmahaččat ja dearvvasvuođabargit dihtet, geainna sii sáhttet gulahallat
  • Fuolahit, ahte mánát ja nuorat, geat leat oapmahaččat, čuvvojuvvojit
  • Bargat buriid rutiinnaid fástadoaktáriid ovttasdoaibmamii gielddas
  • Doallat čalbmosa ja ovttasbargat áššehasservviid, eaktodáhtolaččaid ja earáid ii-gielddalaš fálaldagaid láhkásaš olbmuin.
  • Áigádit iežas fágalaččat fágasuorggis ja gaskkustit dan bálvalusaide
  • Searvat bargosuorgái gullevaš čoahkkanemiide ja čoahkkimiidda

 

Gelbbolašvuohta:

Ohcat olbmo, geas lea almmolaš buohccedivššároahppa ja áinnas áššáigullevaš joatkkaoahppa borasdávdabuohccedivššus/palliašuvnnas. Guhkes bargovásáhus dán divššohasjoavkkus sáhttá buohtalastojuvvot váilevaš joatkkaoahpuin. Deattuhat máhtolašvuođa biebmamis.

Sámegiel- ja kulturmáhttu deattuhuvvo mearrideaddjin ohcciid gaskkas, geain lea muđui seamma gelbbolašvuohta.

 

Persovnnalaš iešvuođat/máhtolašvuohta:

  • Viiddis bargovásáhus geahpedusdivššohasain
  • Vásáhus koordinerenbarggus
  • Buorre gulahallanáhpi sihke čálalaččat ja njálmmálaččat
  • Sámegielmáhttu sihke čálalaččat ja njálmmálaččat
  • Buorre ovttasbargo- ja ovttasdoaibmanáhpi
  • Persovnnalaš heivvolašvuohta ja čatnašupmi fágasuorgái deattuhuvvo virgádeamis

 

Mii fállat:

  • Buriid dáhkádus- ja penšuvdnaortnegiid
  • Bálkáeavttuid šiehtadusa vuođul
  • Gielda sáhttá veahkehit gávdnat vistti

Kantuvrabáiki lea Kárášjohka.

Lagat dieđuid addá gielddalaš jođiheaddji Randi Johansen Paltto, Kárášjoga gielda

Tel. 78 46 80 33.

 

Bargit virgáduvvojit gildii gustovaš lágaid, njuolggadusaid ja tariffašiehtadusaid eavttuid vuođul, dás 6 mánu geahččalanáiggiin.

 

Stáhta fállá geahpedit oahppaloana jahkásaččat 10 %. Bruttobálkkás gessojuvvo 2 % penšuvdnasisabidju.

Dáhttut ohcciid, geain lea bargoduogáš, almmuhit unnimusat guokte čujuhusa.

 

Ohcanáigemearri: Cuoŋománu 20. b. 2015.

 

Ohcan ja mielddustuvvon CV ja duođaštuvvon skuvla- ja bargoduođaštusat, ja guokte čujuhusa sáddejuvvojit: Kárášjoga gielda/Karasjok Kommune, Nammadanlávdegoddi, 9730 Kárášjohka/Karasjok dahje postmottak@karasjok.kommune.no.