Rabas virgi buollinveagas

Háliidat go geahččalit bargat buollinveagas?

kautokeino-brannvesen-copyl.jpg
kautokeino-brannvesen-copyl.jpg


 

RABAS VIRGGIT GUOVDAGEAINNU BUOLLINVEAGAS –

OASSEÁIGGEVEAHKA:

  • 1 BISTEVAŠ OASSEÁIGGEVEAHKAVIRGI MÁZES
  • 1 BISTEVAŠ OASSEÁIGGEVEAHKAVIRGI GUOVDAGEAINNUS

 

Suohkanlaš buollinveagas leat 01.10.2017 rájes rabas bistevaš oasseáiggeveahkavirggit (buollinčáskadeaddji). Okta virgi lea čadnon Guovdageainnu buollinstašuvdnii, ja nubbi fas Máze buollinvuorkái.

Ohcciin berre leat dábálaš buorre fysihkka ja lea ovdamunnin jus lea muhtun teknihkalaš máhttu. Heahteveahkkemáhttu lea maiddai ovdamunni bálvalussii. Eará ávkkálaš gelbbolašvuohta sáhttá deattuhuvvot. Sii geat virgáiduvvot fertejit rehkenastit kurssaide mannat.    

Politiijaduođaštusa (dábálaš) ferte sáhttit čájehit.

Virgi Mázes: Buot ohcciin ferte vuodjinkoarta, áinnas klássa C1 ja sii fertejit disponeret biilla. Dušše ohccit geat orrot fásta Mázes sáhttet oažžut virggi.

Virgi Guovdageainnus: Buot ohcciin ferte vuodjinkoarta ja sii fertejit disponeret biilla. Vuodjinkoarta klássa C lea mearkkašahtti liigekvalifikašuvdna. Dušše ohccit geat orrot Guovdageainnu čoahkkebáikkis sáhttet oažžut virggi.

Suohkan lea guovttegielat suohkan. Go ohcciid oahppu lea dássálaga, de válljet ohcciid geat máhttet sihke sámegiela ja dárogiela.

Virgáibiddjon dahkko bálká- ja bargoeavttuid vuođul mat leat dálá lágain, njuolggadusain ja tariffašiehtadusain. Virggit bálkáhuvvojit diimmuid mielde go lea mielde hárjehallamiin ja buollinčáskkadanbargguin. Dasa lassin lea buhtadus kr. 25.000,- jagis go guoddá heahteneahttaterminála.

Eambbo dieđuid virggiid birra oažžu buollinhoavddas Nikken Turi, tlf. 78 48 72 03 dahje 41 41 02 41.


Bargoohcama sáhttá sáddet:

e-post@kautokeino.kommune.no dahje

Kautokeino kommune v/brannvesenet

Bredbuktnesveien 6

9520 Kautokeino     

 

Ohcanáigemearri lea 22.09.2017.

 

BUOLLINHOAVDA