Rabas virgi - Mánáidsuodjaluskonsuleanta

Guovdageainnu suohkanis lea rabas sihke bistevašvirgi ja gaskaboddosašvirggit mánáidsuodjalusas.

kaffegalleriet-elling.JPG
kaffegalleriet-elling.JPG

MÁNÁIDSUODJALUSKONSULEANTA 

Bistevašvirgi

Guovdageainnu suohkanis lea rabas 50 % bistevašvirgi mánáidsuodjaluskonsuleantan. Álgin farggamusat.
Kultuvrra ja bajásšaddan ovttadat váldá vuhtii suohkana čohkkejuvvon bálvalusaid mánáid ja bearrašiid váste. Ovttadagas gávnnat skuvllaid, mánáidgárddiid, kultuvra ja giella ossodaga ja mánáidsuodjalusa ja PPB.

Gaskaboddosašvirggit

Guovdageainnu suohkanis lea rabas 150 % (1,5) gaskaboddosaš virggit mánáidsuodjaluskonsuleantan. Álgin farggamusat, ja bistá gitta 31.12.17.


Kultuvrra ja bajásšaddan ovttadat váldá vuhtii suohkana čohkkejuvvon bálvalusaid mánáid ja bearrašiid váste. Ovttadagas gávnnat skuvllaid, mánáidgárddiid, Kultuvra ja giella ossodaga ja mánáidsuodjalusa ja PPB.


Barggut:

Áššemeannudeapmi Lov om barneverntjenester vuođul mii mielddisbuktá earret eará:

  • Ovttasbargu mánáiguin ja váhnemiiguin
  • Iskkadeapmi Lov om barneverntjenester vuođul
  • Áššemeannudeapmi lávdegoddái/diggái
  • Koordineren ja árvvoštallan


Gelbbolašvuohta:

Unnimusgáibádus lea 3-jagi allaskuvlaoahppu sosionoman dahje mánáidsuodjaluspedagogan ja hárjánan čielggadanbargguid bargat Lov om barneverntjenester vuođul. Mii deattuhit heivvolaš bargohárjáneami ja/dahje viidásitoahpu. Dasa lassin lea hárjáneapmi bargat individuála plánaiguin ja bálvalusaid koordineret sávahahtti.


Persovnnalaš iešvuođat:  

Viidásit lea ovttaskas olbmo heivvolašvuohta, nu movt stuora barganmunni, buorit gulahallangálggat, galgga ceavzit garra dilálašvuođaid, gierdat dáhpáhusaid mat čuhcet dovdduide, reflekšuvdnagálgga, geabbilisvuohta ja doaibmagelbbolašvuohta eaktun bargui. Ferte máhttit bargat sihke iešheanalaččat ja joavkkus. Buorre čálalaš ja njálmmálaš ovdanbuktingálgga vurdojuvvo.

 

Suohkan lea guovttegielat suohkan. 
Ohcciid sámegielmáhttu lea mearrideaddjin go minddar lea dohkálaš gelbbolašvuohta.
Mii fállat fágalaš ja gelddolaš hástalusat ja barggánis bargoskihpáriid geain lea alla fágalaš gelbbolašvuohta fátmmasteaddji bargobirrasis.

 

Suohkanis dahkko virgáibidjan bálká- ja bargoeavttuid vuođul mat leat dálá lágain, njuolggadusain ja tariffašiehtadusain. Miellahttuvuohta buori penšunortnegis.

Virgáibidjamis galgá buktit dohkalaš politiijaduođaštusa, vrd, HOL § 5-4
 

Finnmárkkus lea vearrogeahpádus ja oahppoloana vulosčáliheapmi. Fárrengoluid gokčat suohkana fárrennjuolggadusa mielde. Virgáibidjama oktavuođas galgá buktit dohkálaš politiijaduođaštusa.

 

Ávžžuhit dievdoolbmuid ohcat.

 

Ohcanáigemearri:  06.03.17

 

Ohcan oktan CV ja oahppo- ja bargoduođaštusaiguin sáddejuvvo:

Guovdageainnu suohkan
Bredbuktnesveien 6, 9520 Kautokeino.

 

Eambbo dieđuid virggi birra addá ovttadatjođiheaddji Bodil Utsi Vars tlf 78487105.