Rabas virgi - huksenáššiid meannudeaddji

Guovdageainnu suohkanis lea rabas huksenáššiidmeannudeaddji virgi. Ohcanáigemearri lea ođđajagimánu 29. beaivi 2017

byggsak.jpg
byggsak.jpg

Áššemeannudeaddji - Huksenáššit

Guovdageainnu suohkanis lea rabas fásta 100% virgi huksenáššiid meannudeaddjin teknihkkalaš bálvalusaid ovttadagas.

Teknihkkalaš bálvalusaid ovttadagas leat mielbargit mat doaimmahit suohkana viesuid ja opmodagaid, huksenáššiid, areálahálddašeami, eanamihtideami, eanadoalu, luondduhálddašeami, čázi/rufe, renovašuvnna ja johtolaga.

Váldoovddasvástádussuorggit virggis leat:

  • Huksenáššiid meannudeapmi plána- ja huksenlága mielde
  • Neavvut huksejeddjiid ja suohkana ássiid
  • Hálddatlaš ja politihkalaš áššemeannudeapmi
  • Čuovvuleapmi bearráigeahččan huksenáššiin
  • Matrikkelčállin
  • Gulahallan ja ovttasbargu eará ovttadagaiguin suohkanis
  • Gulahallan ja ovttasbargu eará eiseválddiiguin
  • Plánabargu
  • Prošeaktajođiheapmi
  • Veahkkin ráhkadit ja čuovvulit doaimma kvalitehtavuogádaga  
  • Veahkkin čoavdit bargguid muđui ovttadagas ja eará fágasurggiin dárbbu mielde.

Mii háliidit ohcciid geain lea  heivvolaš inšenevraoahppu/3-jagá alit oahppu. Eará heivvolaš oahppu ja/dahje guhki heivvolaš bargohárjáneapmi ovtta dahje eanet fágasurggiin sáhttá buhtadit oahpahusgáibádusa. Vuodjingoarta kl. B gáibiduvvo virgái.

Deattuhit persovnnalaš iešvuođat nu movt:

  • positiiva guoddu, engašemeanta ja dáhttu bargat
  • gálgga ovttasbargat ja doaimmahit olggosguvlui 
  • gálgga bargat hutkaivuođalaččat, mihtuid guvlui ja bohtosiid guvlui
  • buorre gálgga gulahallat čálalaččat ja njálmmálaččat 

 

Mii sáhttit fállat hástaleaddji barggu fágaidrasttildeaddji bargobirrasis. Bálká šiehtadusaid mielde. Suohkanis dahkko virgáibidjan bálká- ja bargoeavttuid vuođul mat leat dálá lágain, njuolggadusain ja tariffašiehtadusain. Geatnegahttojuvvon miellahttovuohta suohkanlaš penšunortnegis.

 

Guovdageainnu suohkan lea guovttegielat suohkan, ja go ohcciid oahppu lea dássálaga dahje sullii ovtta dásis, de válljet ohcciid geat máhttet sihke sámegiela ja dárogiela.

Eambbo dieđuid virggi birra addá ovttadatjođiheaddji Sindre Murud telefovdna 948 23 699 dahje sadjásaš Nikken Turi, telefovdna 414 10 241.

Ohcan oktan CV ja oahppo- ja bargoduođaštusaiguin sáddejuvvo:

 

Guovdageainnu suohkan

Bredbuktnesveien 6, 9520 Kautokeino

Ohcanáigemearri 29.01.2017