Rabas virgi - giella ja kultuvrra ossodatjođiheaddji

Guovdageainnu suohkanis lea rabas ossodatjođiheaddjevirgi giella ja kultuvra ossodagas.

 

Bistevaš 100 % virgi ossodatjođiheaddjevirgi giella- ja kulturossodagas 01.08.2016 rájes.

Virgádeamis deattuhit jođihanhárjáneami, beroštupmi fágasuorggis, ovttasbargogalgga, máškidisvuohta, iešheanalašvuohta, bohtosiid guvlui bargat, máhttá earáid movttiidahttit ja persovnnalaš heivvolašvuohta. 

 

Ossodatjođiheaddjis lea ovddasvástádus ossodaga ekonomiijas ja bargoveagas.  

Guovdageainnu suohkan lea guovttegielat suohkan. Sámegielmáhttu ja sámi kulturmáhttu lea eaktun virggis, ja máhtus gáibiduvvo duođaštus joatkkaskuvlla dásis.   

Suohkanis dahkko virgáibidjan bálká- ja bargoeavttuid vuođul mat leat dálá lágain, njuolggadusain ja tariffašiehtadusain. Miellahttovuohta buori penšunortnegis. Fárrengoluid gokčat suohkana fárrennjuolggadusa mielde.  

Ávžžuhit dievdoolbmuid ohcat. 

Ohcanáigemearri: 17.06.2016

 

Ohcan oktan CV ja oahppo- ja bargoduođaštusaiguin sáddejuvvo:

Guovdageainnu suohkan, Bredbuktnesveien 6, 9520 Kautokeino.

Eambbo dieđuid virggi birra sáhttá addit ovttadatjođiheaddji Bodil Utsi Vars tlf. 78 48 71 05.