Rabas virgi

Guovdageainnu suohkanis lea rabas sadjásaš virgi - teknihkkalaš ovttadaga jođiheaddji

 

Teknihkkalaš ovttadaga ovttadatjođiheaddji manná virgelohpái jahkái 01.07.2015 rájes gitta 30.06.2016 rádjái.

Ovttadatjođiheaddji lea njuolga ráđđeolbmá vuolde, ja sus lea bajit ovddasvástádus bálvalusaid, ekonomiija ja bargiid ovddas ovttadagas.

 

Ovttadagas leat čuovvovaš fágasuorggit:

  • Suohkanlaš teknihkka
  • Arealplanen, GIS/mihtideapmi, huksenáššit, eanandoallu ja biras
  • Viessodoaibma

Juohke fágasuorggis lea fágaovddasvástideaddji. Fágaovddasvástideaddjit leat ovttadatjođiheaddji vuolde.

 

Mii ohcat olbmo:

  • geas lea heivvolaš alit oahppu
  • geas lea jođihanhárjáneapmi
  • geas lea gálgga jurddašit ođđa jurdagiid
  • gii háliida bohtosiid ja máhttá váldit mearrádusaid
  • geas leat buorit gulahallangálggat ja lea čeahpes joavkolahttu. 
  • geas lea gálgga fuomášuhttit ja movttiidahttit  

 

Sámegiella adnojuvvo leat deaŧalaš lassigelbbolašvuohtan. Heivvolaš bargohárjáneapmi suohkanlaš/almmolaš doaimmas lea ovdamunni. Persovnnalaš heivvolašvuohta deattuhuvvo.

 

Suohkanis dahkko virgáibidjan bálká- ja bargoeavttuid vuođul mat leat dálá lágain, njuolggadusain ja tariffašiehtadusain. Miellahttovuohta buori penšunortnegis. Finnmárkkus lea vearrogeahpádus ja oahppoloana vulosčáliheapmi. Fárrengoluid gokčat suohkana fárrennnjuolggadusa mielde.

 

Ohcanáigemearri: 15.05.2015

 

Ohcan oktan CV ja oahppo- ja bargoduođaštusaiguin sáddejuvvo:

Guovdageainnu suohkan, Bredbuktnesveien 6, 9520 Kautokeino

 

Eambbo dieđuid virggi birra addá ovttadatjođiheaddji Pål Norvoll, tlf 78 48 72 08 dahje konst. ráđđeolmmái Karin Hætta, tlf. 78 48 71 91.