Rabas virggit vuođđoskuvllas

Guovdageainnu nuoraidskuvllas ja mánáidskuvllas leat virggit oahpaheddjiide. Ohcanáigemearri lea 27.02.2017

girjjit.jpg
girjjit.jpg

Fásta oahpaheaddjevirgi

Guovdageainnu nuoraidskuvllas lea rabas fásta 100 % oahpaheaddjevirgi njukčamánu 2017 rájes

Gealbogáibádus: dárogiella, eŋgelasgiella, servodatfága ja sámegiella

Oahpaheaddjevirggi dáfus eaktuduvvo ahte 60 oahppočuoggá gealbogáibádus.

 

 

Gaskaboddosaš oahpaheaddjevirgi

Guovdageainnu nuoraidskuvllas ja Guovdageainnu mánáidskuvllas lea rabas 50 % gaskaboddosaš oahpaheaddjevirgi.

Gealbogáibádus: suomagiella

Álgin: farggamusat, virgi bista 31.07.17 rádjái.

 

Guovdageainnu suohkan lea guovttegielat suohkan.

Persovnnalaš heivvolašvuohta deattuhuvvo. Eaktudit buori ovttasbargogálgga ja máhtu bargat iešheanalaččat.

Suohkanis dahkko virgáibidjan bálká- ja bargoeavttuid vuođul mat leat dálá lágain, njuolggadusain ja tariffašiehtadusain. Miellahttovuohta buori penšunortnegis.

Virgáibidjamis galgá buktit dohkálaš politiijaduođaštusa, vrd. Opplæringsloven § 10-9.

 

Ohcanáigemearri: 27.02.17

Ohcan oktan CV ja oahppo- ja bargoduođaštusaiguin sáddejuvvo:

Guovdageainnu suohkan, Bredbuktnesveien 6, 9520 Kautokeino.

 

Eambbo dieđuid virggiid birra addá:

ovttadatjođiheaddji Bodil Utsi Vars tlf. 78 48 71 05.