Rabas virggit - rektor ja oahpahusdárkkisteaddji Guovdageainnu mánáidskuvllas

Guovdageainnu suohkanis leat rabas virggit Guovdageainnu mánáidskuvllas. Bistevaš rektorvirgi ja bistevaš oahpahusdárkkisteaddjevirgi. Ohcanáigemearri lea geassemánu 17. beaivi 2016.

 

REKTOR

Guovdageainnu mánáidskuvllas lea rabas bistevaš 100% rektorvirgi 01.08.2016 rájes.

Skuvllas leat sullii 230 oahppi 1. - 7. cehkiin. Virggis lea veahá oahpahus. Virggis lea maddai skuvlaasttoáiggefálaldaga pedagogalaš ja hálddatlaš ovddasvástádus. Rektor lea kultuvrra ja bajásšaddama ovttadatjođiheaddji vuollásaš.

Gelbbolašvuohta:

  • Pedagogalaš oahppu allaskuvla/universitehttadásis
  • Heivvolaš jođihanhárjáneapmi ja jođihangelbbolašvuohta
  • Ferte máhttit hupmat ja čállit sámegiela

 

Mii ohcat nanu jođiheaddji geas leat buori ovttasbargogalggat, gii lea máškit ja bargá čovdosiid guvlui, gii máhttá movttiidahttit ja sáhttá buori bargobirrasa duddjot. Persovnnalaš heivvolašvuohta deattuhuvvo. Bálká šiehtadusa mielde.  

 

OAHPAHUSDÁRKKISTEADDJI 

Guovdageainnu mánáidskuvllas lea bistevaš 100% virgi oahpahusdárkkisteaddjin rabas 01.08.2016 rájes..

Skuvllas leat sullii 230 oahppi 1. - 7. cehkiin. Oahpahusdárkkisteaddji lea sadjásaš rektorii go dat lea eret. Virggis lea veahá oahpahus.

Gelbbolašvuohta:

  • Pedagogalaš oahppu allaskuvla/universitehttadásis
  • Heivvolaš jođihanhárjáneapmi ja jođihangelbbolašvuohta lea sávahahtti
  • Ferte máhttit hupmat ja čállit sámegiela

 

Mii ohcat olbmo geas leat buori ovttasbargogalggat, gii lea máškit ja bargá čovdosiid guvlui, gii máhttá movttiidahttit ja sáhttá buori bargobirrasa duddjot. Persovnnalaš heivvolašvuohta deattuhuvvo. Bálká šiehtadusa mielde. 

  

Goappašat virggiide guoská:

Suohkan lea guovttegielat suohkan. Sámegielmáhttu lea eaktun virggis, ja máhtus gáibiduvvo duođaštus allaskuvladásis.

Suohkanis dahkko virgáibidjan bálká- ja bargoeavttuid vuođul mat leat dálá lágain, njuolggadusain ja tariffašiehtadusain. Geatnegahtton miellahttovuohta stáhta penšunortnegis.  

Ávžžuhit dievdoolbmui ohcat.  

 

Ohcaáigemearri: 17.06.2016

 

Eambbo dieđuid virggiid birra sáhttet addit ráđđeolmmái Kent Valio, tlf 78 48 71 03, dahje ovttadatjođiheaddji Bodil Utsi Vars, tlf 78 48 71 05

Ohcan oktan CV ja oahppo- ja bargoduođaštusaiguin sáddejuvvo:

Guovdageainnu suohkan, Bredbuktnesveien 6, 9520 Kautokeino.