Rabas virggit - inšenevrrat

Guovdageainnu suohkanis leat rabas 2 fásta 100% inšenevravirggi teknihkkalaš bálvalusaid ovttadagas.

 

Teknihkkalaš bálvalusaid ovttadat doaimmaha suohkana viesuid ja opmodagaid, bargá huksenáššiiguin, areálhálddašemiin, eanamihtidemiin, eanadoaluin, luondduhálddašemiin, čáziin/rufiin, renovšuvnnain ja johtolagain.  

Barggut nuppi virggis leat:

  • Eanamihtidanbálvalusat
  • Matrikkelčállin
  • Kárttat/GIS
  • Areálhálddašeapmi

 

Barggut nuppi virggis leat

  • Johtolat
  • Johtolatsihkkárvuohta
  • Nuoskkideapmi
  • KOMTEK doaimmahit

Goappašat virggiin leat

  • Plánenbarggut
  • Prošeaktajođiheapmi
  • Veahkkin hábmet ja čuovvolot doaimma kvalitehttavuogádaga
  • Leat mielde čoavdime eará barggguid ovttadagas

Mii háliidit ohcciid geain lea inšenevraoahppu/3-jagá alit oahppu. Eará heivvolaš oahppu ja/dahje guhki heivvolaš bargohárjáneapmi ovtta dahje eanet fágasurggiin sáhttá buhtadit oahpahusgáibádusa. Ovdamunni lea jus lea bargan fágasurggiid siskkobealde, muhto ávžžuhit maiddai inšenevrraid geat áitto leat váldán oahpu ohcat virggiide.  

Viidásit lea sávahahtti ahte ohcci lea smáđahkes, dáhttu ovttasbargat, ja lea mielas bálvalit. Buorre njálmmálaš ja čálalaš ovdanbuktingálgga. Suohkan atná GIS/LINE-vuogádagaid kártemii, plánemii ja mihtideapmái. 

Mii sáhttit fállat hástaleaddji bargguid fágaidrasttideaddji bargobirrasis. Bálká šiehtadusa mielde. Suohkanis dahkko virgáibidjan bálká- ja bargoeavttuid vuođul mat leat dálá lágain, njuolggadusain ja tariffašiehtadusain. Geatnegahtton miellahttovuohta suohkana penšunortnegis.  

 

Guovdageainnu suohkan lea guovttegielat suohkan. Go ohcciid oahppu lea dássálaga dahje sullii ovtta dásis, de válljet ohcciid geat máhttet sihke sámegiela ja dárogiela.

Háliidat go diehtit eambbo virggiid birra, gulahala ovttadatjođiheddjiin Sindre Murud, telefovdna 948 23 699 dahje sadjásaš Nikken Turi telefovdna 414 10 241.

 

Ohcan oktan CV sáddejuvvo:

 

Guovdageainnu suohkan
Bredbuktnesveien 6

9520 Kautokeino

Oahppo- ja bargoduođaštusaid válddat mielde jus dáhttut boahtit jearahallamii.   

 

Ohcanáigemearri 29.05.2016