Rabas virggit - guokte inšenevrravirggi

Guovdageainnu suohkanis leat rabas guokte inšenevravirggi. Ohcaáigi lea golggománu 7. beaivi 2016.

kum.jpg
kum.jpg

 

GUOKTE INŠENEVRAVIRGGI

Guovdageainnu suohkanis leat rabas 2 bistevaš 100% inšenevravirggi teknihkalaš bálvalusaid ovttadagas. 

Teknihkkalaš bálvalusaid ovttadagas leat mielbargit dáid surggiin: suohkana viesuid ja opmodagaid hálddašit ja divodit, huksenáššit, areálahálddašeapmi, mihtideapmi, eanandoallu, luondduhálddašeapmi, čáhci/rufe, renovašuvdna ja johtolat.

Virgi 1.  Huksenáššiid áššemeannudeaddji

  • Meannudit áššiid plána- ja huksenlága vuođul
  • Neavvut huksejeddjiid ja suohkana álbmoga
  • Hálddatlaš ja politihkkalaš áššemeannudeapmi
  • Čuovvoleapmi ja bearráigeahčču huksenáššiin
  • Matrikkelčállit huksehusaid
  • Oktavuohta ja ovttasbargu eará ovttadagaiguin suohkanis
  • Oktavuohta ja ovttasbargu eará eiseválddiiguin

 

Virgi 2. Viessodoaimma fágaovddasvástideaddji.

  • Plánet, ovttastuhttit ja koordineret doaimma- ja divodeami suohkana viesuin ja opmodagain
  • Fágaovddasvástiteaddji raporttere ovttadatjođiheaddjái

 

Goappašat virggiide gullá:

  • Plánenbarggut
  • Prošeaktajođiheapmi
  • Veahkkin leat mielde ráhkadit ja čuovvolit doaimma kvalitehttavuogádaga
  • Veahkkin leat mielde čoavdit eará bargguid ovttadaga siskkobealde

Mii háliidit ohcciid geain lea inšenevraoahppu/ 3- jagi alit oahppi. Eará heivvolaš oahppu ja/dahje guhkit heivvolaš hárjáneapmi ovtta dahje eanet fágasurggiin sáhttá buhttet oahppogáibádusa.    

Deattuhit persovnnalaš iešvuođaid, nu movt: 

  • positiivvalaš oaidnu, áŋgirvuohta ja dáhttu bargat  
  • máhttá ovttasbargat, ja olggosguvlui doaimmahit barggu
  • máhttá bargat hutkát, ulbmilnjulgejuvvon ja bohtosiid guvlui
  • buorre máhttu gulahallat njálmmálaččat ja čálalaččat

 

Mii sáhttit fállat hástaleaddji bargguid fágaidrasttildeaddji bargobirrasis. Bálká šiehtadusaid mielde. Suohkanis dahkko virgáibidjan bálká- ja bargoeavttuid vuođul mat leat dálá lágain, njuolggadusain ja tariffašiehtadusain. Geatnegahtton miellahttovuohta suohkanlaš penšunortnegis. 

 

Guovdageainnu suohkan lea guovttegielat suohkan ja go ohcciid oahppu lea dássálaga, de válljet ohcciid geat máhttet sihke sámegiela ja dárogiela.

Jus áiggut eambbo dieđuid virggiid birra, váldde oktavuođa ovttadatjođiheddjiin Sindre Murud telefovdna 948 23 699 dahje sadjásaš Nikken Turi, telefovdna 414 10 241.

 

Ohcan oktan CV sáddejuvvo:

e-post@kautokeino.kommune.no

 

Oahppo- ja bargoduođaštusaid váldá fárrui vejolaš bargojearahallamii

 

Ohcanáigemearri 07.10.2016