Rabas virggit - Bassit

Guovdageainnu suohkanis lea rabas bassivirggit. Ohcanáigemearri lea cuoŋománu 15. beaivi.

 

Guovdageainnu suohkana teknihkalaš ovttadagas leta rabas virggit bassiide ja álgin lea farggamusat

 

60% fásta virgi Beazedievvá mánáidgárddis

40% fásta virgi Gartnetluohkká mánáidgárddis

40% fásta virgi Guovdageainnu vuođđoskuvllas

50% fásta virgi Báktehárjjis

25% fásta virgi Dorvogoahti fuolahusguovddážis

17% fásta virgi láigoviesus Esso bálddas

100% sadjásašvirgi mas álgin farggamusat gitta borgemánnui 2016 Guovdageainnu vuođđoskuvllas

 

Barggut:

Beaivválaš bassan, muhto maiddai gaskkohagaid bassan, váldobassan ja láhtiid dikšun.

 

Gelbbolašvuohta:

Ohccit geain lea bassiid fágareive vuoruhuvvojit. 

Hárjánan bassanbargguide.

 

Persovnnalaš gálggat:

Buorre ovttasbargogálgga, máhttá bargat iešheanalaččat, geabbil ja bálvalandáhttu. 

Persovnnalaš heivvolašvuohta deattuhuvvo.

 

Suohkan lea guovttegielat suohkan. Go ohcciid oahppu lea dássálaga dahje sullii ovtta dásis, de válljet ohcciid geat máhttet sihke sámegiela ja dárogiela.

 

Lagamus jođiheaddji lea bassiidjođiheaddji.

 

Suohkanis dahkko virgáibidjan bálká- ja bargoeavttuid vuođul mat leat dálá lágain, njuolggadusain ja tariffašiehtadusain. Miellahttovuohta buori penšunortnegis.

 

Kopiijat oahppo- ja bargoduođaštusain váldá mielde vejolaš jearahallamii.

 

Virgáibidjamis galgá buktit dohkálaš politiijaduođaštusa, vrd. HOL § 5-4. virggit dearvvašvuođas/fuolashusas

Virgáibidjamis galgá buktit dohkálaš politiijaduođaštusa, vrd. oppll § 10-9. virggit skuvllas /SAÁO/kulturskuvllas

Virgáibidjamis galgá buktit dohkálaš politiijaduođaštusa, vrd. bhl § 19. virggit mánáidgárddis.

 

Ohcan oktan CV sáddejuvvo:

Guovdageainnu suohkan

Bredbuktnesveien 6,

9520 Kautokeino

 

Ohcanáigemearri: 15.04.2016

 

Eambbo dieđuid virggiid birra sáhttet addit bassiidjođiheaddji Berit Marit Logje telefovdna 78 48 72 01 dahje ovttadatjođiheaddji Sindre Murud telefovdna 78 48 72 08.