Rabas virggit

Suohkandoavttir I virgi ja 2 Suohkandoavttir II-virggi rabas

 

Guovdageainnu suohkan lea Norgga stuorámus suohkan areála dáfus ja lea Finnmárkkus. Suohkanis leat birrasiid 3000 olbmo. Váldoealáhusat leat boazodoallu, meahcásteapmi, turistaealáhus ja iešguđetlágan bálvalusat. Guovdageainnus lea sámi árbevirolaš eallin nanus, ja suohkan leage váldo sámi báiki gos leat sámi ásahusat nugo Sámi Instituhtta, Sámi Allaskuvla, Sámediggi-oahpahusossodat ja Sámi Teáhter. Dáppe leat maid buorit vejolašvuođat meahcástit, bivdit ja guolástit čáppa Finnmárkkuluonddus.

 

Suohkana dearvvašvuođabálvalus lea čohkkejuvvon ođđa ja ođđaáigásaš dearvvašvuođaguovddážii. Mis leat 4 doavttervirggi mat buohkat leat fárus fástadoavttirortnegis, ja okta turnusdoavttir. Pasieanttavuođđu lea sullii 3000, mii juohkása 4 doaktárii. Suohkanis lea de vákta mii lea 4 sadjái juohkásan.

 

Suohkandoavttir I   Fástadoavttir 100% virggis

Go min suohkandoavttir I álgá eará virgái, almmuhuvvo suohkandoavttir I virgi rabasin, álgin farggamusat. Suohkandoavttir I lea medisiinnalaš fágalaš ráđđeaddi daidda eará dearvvašvuođabálvalusaide, njoammumahehttendoavttir, turnusdoaktára bagadalli ja sus lea ovddasvástádus birasnjulgejuvvon dearvvašvuođasuodjalusas. Fástadoaktáris lea listomearri 650. Suohkandoavttir I lea fárus doavtterváktaortnegis.

 

2 Suohkandoavttir II   Fástadoavttir 100% virggis

2 fásta suohkandoavttir II virggi leat rabas, álgin farggamusat. Suohkandoavttir II:s lea dábálaš kuratiiva doavtterbálvalus ja leat ovttasráđiid suohkandoavttir I:in bearráigeahččobarggut eará dearvvašvuođabálvalusain. Doaktárat leat mielde doavtterváktaortnegis.

 

Mii sáhttit fállat:

Bálká šiehtadusa mielde, mii bures sáhttá gilvalit eará ásahusaiguin, 2 vahku bargofriddja bálkkáin juohke jagi ja 2 vahku oahpahusvirgelohpi bálkkáin juohke jagi. 4 mánu bálkáhuvvon virgelohpi maŋŋil go lea bargan 3 jagi.

 

Gusto goappašat virggiide:

 

Suohkan lea guovttegielat suohkan.

Go ohcciid oahppu lea dássálaga dahje sullii ovtta dásis, de válljet ohcciid geat máhttet sihke sámegiela ja dárogiela.

 

Suohkanis dahkko virgáibidjan bálká- ja bargoeavttuid vuođul mat leat dálá lágain, njuolggadusain ja tariffšiehtadusain. Geatnegahtton miellahttovuohta suohkana penšunortnegis.

 

Ohcan oktan oahppo- ja bargoduođaštusaiguin sáddejuvvo:

Guovdageainnu suohkan, dearvvašvuođabálvalusat

9520 Guovdageaidnu

 

Ohcanáigemearri: skábmamánu 10. beaivi 2005

 

Eambbo dieđuid virggiid birra sáhttet addit suohkandoavttir I Øivind Vandbakk tlf.: 78 48 72 60 dahje ovttadatjođiheaddji Kirsten Karen Bals tlf.: 78 48 72 77