Rabas sadjásašvirgi buollinveagas

Rabas virgi Mázes.

kautokeino-brannvesen-copyl.jpg
kautokeino-brannvesen-copyl.jpg

 

RABAS SADJÁSAŠVIRGI GUOVDAGEAINNU BUOLLINVEAGAS – OASSEÁIGGEVEAHKA

Suohkanlaš buollinveagas leat rabas oasseáiggeveahkavirgi 01.01.2016 rájes 01.07.2016 rádjái, vejolaš fásta virgin. Virgi lea čadnon Máze buollinvuorkái.

Ohccis berre leat dábálaš buorre fysihkka ja lea ovdamunnin jus lea veaháš teknihkkalaš máhttu. Heahteveahkkemáhttu adno maiddai ovdamunnin bálvalusas. Son gean bidjat virgái, ferte rehkenastit kurssaide mannat.

Ohccis ferte leat vuodjingoarta, áinnas klássa C1, ja sus ferte leat biila. Dušše ohccit geat orrot Máze čoahkkebáikkis sáhttet oažžut virggi. Eaktun lea maiddai ahte heahtefierpmádatterminála gokčan ollá orrunčujuhussii.

 

Virgáibidjan dahkko bálká- ja bargoeavttuid vuođul mat leat dálá lágain, njuolggadusain ja tariffšiehtadusain. Dás sáhttá namuhuvvot ahte virgi bálkáhuvvo diimmuid mielde go lea fárus hárjehallamiin ja jáddadanbargguin. Dasalassin lea buhtadus kr. 15.000,- jahkái go guoddá personsøkera/heahtefierpmádatterminála.

 

Eambbo dieđuid virggi birra sáhttá oažžut go váldá oktavuođa buollinhoavddain Nikken Turii tlf 78 48 72 03 dahje 414 10 241.

Ohcan sáddejuvvo e-boastta mielde: nikken.turi@kautokeino.kommune.no

dahje boastačujuhussii:

Guovdageainnu suohkana buollinveahka
Bredbuktnesveien 6

9520 Kautokeino

 

Ohcanáigemearri: 23.12.2015

 

BUOLLINHOAVDA